NSR mielas lea lunddolaš ahte nuppi Sámi vuoigatvuođalávdegotti ja riddoguolástuslávdegotti guorahallamat bidjojit vuođđun mearrasámi vuoigatvuođaide guovlluide mat leat lulábealde Finnmárkku.
Finnmárku minsttarin earáide
Geir Tommy Pedersen deattuha ahte dan botta go bargojuvvo finnmárkkuguolástuslágain de ferte maid bidjot johtui bargu mas boađusin galget šaddat konkrehta láhkamearrádusat mat gusket guovlluide lulábealde Finnmárkku. Riddoguolástuslávdegoddtti evttohus Finnmárkkuguolástutláhkii berre geavahuvvot minsttarin maiddái dáid guovlluide.
- Lea ollislaš boađus daid iešguđetge láhkaproseassain ja Norgga álbmotrievttálaš geatnegasvuođat mat mearridit leat go sámi vuoigatvuođat doarvái bures váldon vuhtii, deattuha Geir Tommy Pedersen, NSRa guolástuspolitihkkálaš ságadoalli.
Hálddašeapmi dehálaš
Vai Norgga stáhta ii rihko sin álbmotrievttálaš geatnegasvuođa sápmelaččaid ektui eamiálbmogin lea áibbas dárbbašlaš ahte lea nášunalaš riektevuođđu mii dohkkeha ja sihkarastá sápmelaččaid vuoigatvuođaid ávkkástallat ođasmahtti riggodagaid mearas, ja ahte sápmelaččat eamiálbmogin besset searvat daid hálddašit.
Kommenter denne artikkelen
Tips en venn Gå tilbake