Lea illusáhka ahte goit ii šatta guollebiebmanrusttet Ofuohtas ja Ruohbaks. Bargiidbellodat lei mielaheapme, go sii sátnejođiheaddji duppaljienain mearridedje dán. Gávpotstivra lei guovtti sadjái juohkásan áššis. Maŋit áiggis čájehuvvui maid ahte olbmot eai lean Bargiidbellodagain ovttaoaivilis.
Direktoráhta mearrádus soahpá bures Norgga Sámiid Riikkasearvvi oaiviliidda, go mii leimmet ge iežamet sámediggeválgaprográmmii bidjan ahte mii vuosttildat guollebiebmanrusttegiid dáid guovlluin. NSR ii leat heađisge prinsihpalaččat vuostá geavahit meara, muhto mii oaivvildat ahte rusttegat galget leat giddejuvvon ja eai ge áittan birrasii. Ruskkat ja mirkkot eai galgga beassat merrii.
Kommenter denne artikkelen
Tips en venn Gå tilbake