Boazodoallu, lotnolasealáhusat ja sámi eanandoallu ja guolásteapmi leat dehálaš politihkalaš áššit ja Máhtte oaivvilda ahte dáidda ealáhusaide galget sihkarastot buorit rámmaeavttut. Son lea bargan boazodoaluin olles eallinagi, geasseorohat Porsáŋggus ja dálveorohat Kárášjogas. – Otná boazodoallu lea geahpasat fysalaččat ođđaáigásaš veahkkeneavvuid dihte, muhto lagašvuohta ellui ja dat gievrras sámi identitehta lea ain dat seamma. – Danne lea dehálaš dán ealáhusa bisuhit, dadjá Máhtte.
Luondu ja biras
Máhtes lea gullevašvuohta máŋgga láhkái dan boares boazodoalu áigái. Son lea rámis sihke historjjá ja iežas virggi ektui. – Mii seailluhat árbevieru mii lea áiggiid čađa addojuvvon buolvvas bulvii. – Mii leat álo bargan soabalašvuođain luondduin ja dán máhttu fertet mii iežamet mánáide addit, dadjá son.
Máhtes lea ávžžuhus buohkaide geat galget bajásgeassit dan boahttevaš buolvva: - Geavat luonddu jierpmi ja suddje luonddu sidjiide geat bohtet min maŋábealde: Sihke guolásteaddjit, boazodoallit, eanandoallit ja earát.
Gii lea Áilen Nigá Máhtte?
Riegádan: 1949, Kárášjogas.
Bajásšaddan: Poršaŋggus ja Kárášjogas.
Siviilaseahtu: Náitalan Ragnain, 6 máná.
Sámesearvi: Jođiheaddji Kárášjoga Sámiid Searvvis.
Válljejuvvon Sámediggái: 1. várrelahttu 2001-2005.
Virgi: Boazodoalli.
Duogáš: Boazodoaloduogáš ja vuođđoskuvla.
Eará beroštumit: Lea áŋgir čuovvut mielde mánáid valáštallandoaimmain, nu go spábbačiekčamiin ja čuoigamiin. Ovdalis stivrralahttu NBRas. Ovdalis gielddastivrraáirras Kárášjogas.
Loga eanet NSR politihka birra min válgaprográmmas
Geahča Máhte YouTube:s
Eanet govat Áilen Nigá Máhtes
Kommenter denne artikkelen
Tips en venn Gå tilbake