Åge Norkild lea okta sullii 75 ássiin geat birrajagi orrot gilážis. Daid maŋimuš logi jagiid lea olmmošlohkku njiedjan sakka. Ii mihkige oro čájeheamin eará. Norkild šattai bajás Árajávrri buohta. Identitehta oaččui jo čižžemilkkiin. –Boareseadni elii gitta lei 99, ja boaresáhčči gitta lei 90. Goappašagat hálaiga sihke dárogiela ja sámegiela. –Mun lean bajásšaddan ja orron dáppe dadjat jo olles eallinagi, earret dalle go studerejin ja go ledjen moadde jagi Ráhkkás.
Ođđaáigásaš gulahallan
Norkild lea leamaš adjunktan ovdal ollii ealáhatahkái ja valáštalli. Dál sus leat ollu doaimmat NSR:in, politihkain ja sámi gilážiid boahtteáiggiin. –NSR ferte vuostálastit veagahuvvama. Son čujuha ođđaáigásaš gulahallanvugiide. – Ii oktage nuorra ásaiduva Áravuopmái jus ii leat interneahttafálaldat. Ráhkkás lea govdafierpmádat. Ii dárbbašuvvo go gávcci kilomehter fiberjođas. Muđui jáhkká son olmmošlohkku njiedjá oktanas jápmimiin ja eretfárremiin.
Gáržžideamit
Gilážis lei sihke skuvla ja gávpi ovdal. Dát leat áigá jo heaittihuvvon. Evttohus geavahit Árajávrri juhkančáhcin Ráhkkái ja dat lea maid áitta gilážii, danne go dát sáhttá mielddisbuktit garra gáržžidemiid. Ollu gilážat vásihit dan seamma. Jus NSR ii daga maidige de veagahuvvet dát sámi gilážat.
Gii lea Åge Nordkild?
Riegádan: 19.09.1951 Njárgaviikas.
Bajásšaddan: Áravuomis Njárgaviika suohkanis, gos son dál orru.
Siviilaseahtu: Ovttaskas, guokte máná.
Sámesearvi: Ráhkká ja biras sámiid searvi-NSR.
Válljejuvvon Sámediggái: Áirras 2001-2005. 1. várrelahttu 2005-2009.
Virgi: Ealáhagas/adjunkta.
Duogáš: Oahpaheaddji/adjunkta. Ex. Art. Narvik Gymnas, oahpaheaddjigeahččaleapmi, vuođđofága valáštallamis Norgga valáštallanallaskuvllas, sámi lohkanbajioahppu Romssa Universitehtas, matematihkka Romssa Allaskuvllas ja spesiálapedagogihkka 1. ossodat Romssa Allaskuvllas. Hárjehalli c báhčinčuoigamis ja čuoigamis.
Eará beroštumit: Valáštallan ja olgoáibmodoaimmat. Miellahttu giellasearvvis “Sámegiel Berošteaddjik” ja Sámi valáštallanlihttus SVL.
Loga eanet NSR politihka birra min válgaprográmmas
Leat go oaidnán Åge Youtubes?
Geahča eanet govaid Åge Nordkildas
Kommenter denne artikkelen
Tips en venn Gå tilbake