Lisbeth Somby lea fuolastuvvan Oslo sámi viesu boahtteáiggi ovddas. Dehálaš čoahkkananbáiki sápmelaččaide gávpogis. Muhto menddo unni.
– Mun oaivvildan ahte lea dehálaš ahte leat sihke formála ja eahpeformála deaivvadanbáikkit, dadjá son. – Danne ferte mis leat stuorát viessu. Gos mii muđui galgat deaivvadit?
Biehttalus
Sámediggi lea dán jagi vurken oktiibuot 700 000 kruvnna sámi deaivvadanbáikkiide. Oslo gielddas ii boađe bálljo mihkkege.
– Gieldda vástádus lea ahte leat ollugat geat leat máŋggakultuvrralaččat ja geat galget juogadit ruhtaseahka. Dan láhkai gieđahallojuvvot sápmelaččat seamma láhkái go buot eará minoritehtat.
– Sápmelaččat leat oassi norgga álbmogis. Mii orrut Oslos, ja leat oassi gávpoga álbmogis vaikke mii leat sápmelaččat, čujuha son.
Gárži
Nu mo namuhuvvon; ii leat beare gieldda ovttasbargguin ahte sápmelaččat gáržžohallet. Guhkit áigodaga badjel ii leat doarvái ahte leat kantuvrrat ja smávva čoahkkinlanjat.
– Rámmat fertejit lasihuvvot, ja mii fertet gávdnat heivvolaš saji. Dál fertet mii dávjá láigohit lanjaid, ja dan láhkái massit mii vejolašvuođa albmalahkai gaskkustit musihka- ja lávdedáidaga. Sápmelaččat geat bajásšaddet Oslos dárbbašit báikki gos sin identitehta nannejuvvo. Sii dárbbašat Sámi Viesu.
Gii lea Kirsten Lisbeth Somby?
Riegádan: 1966s Kárášjogas.
Bajásšaddan: Kárášjogas ja geasseorohagas Idjavuonduoddaris/Bissojohtváris. Lea orrun Oslos 1996 rájes.
Siviilaseahtu: Ii leat náitalan, okta nieida.
Sámesearvi: Oslo sámiid searvi.
Virgi: Geavatlaš koordináhtor Tolketjenesten’a bagadalliide.
Duogáš: Bajásšaddan boazodoalobearrašis, návetbiigá Deanus, journalista Min Áiggis, birasbargi, sámegiela oahpaheaddji, beaivebálkkolaš dulka bealjehemiide ja bealje- ja čalmmehemiide, dulka ja geavatlaš koordináhtor. Bachelor seavagielas ja dulkomis. Kurša bagadallamis, kulturmáhttus ja haptihkkalaš dulkomis. Bivdooahppu, riidenkursa ja beatnatdapman kurša.
Eará beroštumit: Riiden, olgoáibmodoaimmat ja kultuvra. Miellahttovuođat Tolkeforbundet, Alna Ridesenter, Norges jeger og fiskeforbund, Norges døveforbund ja Oslo døveforbund.
Loga eanet NSR politihka birra min válgaprográmmas
Čuovo Lisbetha blogga
Geahča Lisbeth Somby Youtube:s - maiddái seavagillii
Dás gávnnat eanet govaid Lisbeth Sombys
Kommenter denne artikkelen
Tips en venn Gå tilbake