Retter bargá riikkaviidosaččat váikkuhit báikkálaččat. 2005:s son máhcai fas ruoktot go lei njeallje jagi bargan Árktalaš Ráđi eamiálbmotčállingottis Københámmanis. – Šattai menddo stuorra gaska iežan ruovttubáikái. Ballagohten ahte amasmuvan sámi kultuvrii, dovddaha son.
– Mun in goassige ruovttuluvvan Københámmanii, ja ledjen čađat jođus ruoktut. Dat lei mu geatnegasvuohta ja bovden, ja nu lea ain odne ge.
Riikkaidgaskasaš
Gunn-Britt Retter lea dakkár olmmoš gii álo fuomáša juoga mii ferte rievdaduvvot, buoriduvvot, váldot vára – dahje ovdánahttojuvvot. Sus leat álo máŋga doaimma jođus. Iige son bala váldimis ovddasvástádusa.
Son jođiha Unjárgga Sámiid Searvvi, lea organisatuvrralaš nubbinjođiheaddji NSR:s, nubbinjođiheaddji Unjárgga Gilisearvvis, miellahttu Sámi NissonForumas, Unjárgga penšunistasearvvis, Bivdis ja IWGIA:s, mii lea riikkaidgaskasaš doarjjasearvi eamiálbmogiidda. Retter maid jođiha Sámeráđi Árktalaš- ja birasossodaga.
– Dan maid barggan riikkaidgaskasaččat lea álo vuođustuvvon báikkálaččat, muitala son, ja buktá ovdamearkka. – Go eiseválddit áigo ásahit álbmotmeahci Várnjárggas, de fertejedje čuovvut riikkaidgaskasaš geatnegasvuođaid. Doppe celko earret eará ahte galget vuhtii váldit árbedieđu ja -bargguid. Dan vuođul mii sáhttit Sámedikkis dahkat mearrádusa vuoddjinlobiid hárrái álbmotmeahcis, čilge son. Lea eará ášši ahte Fylkkamánni das ii beroš.
Rievdadusat ja gáhtten
NSR ferte ain rahčat sámi vuoigatvuođaid ovddas, muhto Rettera mielas lea vuoigatvuođaid hálddašeapmi seamma dehálaš. – Mii fertet leat gozuin, ja fáktet ahte vuoigatvuođat čađahuvvojit ja čuovvoluvvojit buot sápmelaččaide. Jus dan eat daga, de eai šatta rievdadusat vuoitun midjiide.
– Gonagas lea cealkán ahte Norgga stáhta lea vuođđuduvvon guovtti álbmoga eatnamiidda. Dážaid ja sápmelaččaid. Muhto leat go eiseválddit goassige jurddašan maid dat mielddisbuktá leat sierra álbmogin? – Min gehččet baicce dego muhtin berošteaddjijoavkun. Dego gulaskuddanásahus. Mii leat sierra álbmot. Dat mearkkaša ahte mis lea vuoigatvuohta dadjat jo dahje ii, vuoigatvuohta mearridit iežamet boahtteáiggi.
Gunn-Britt Rettera bargosadji lea máilbmi, muhto su váibmu lea Unjárggas. Geas`áigge njeallje jagi dassái son measta álggii divodit Unjárgga valáštallanšillju, muhto jurdilii ahte gal dat soitet barggut šaddat doarvái ovddasguvlui. Nu šadde ge.
Gii lea Gunn-Britt Retter?
Riegádan: 31.05.71 Čáhcesullos.
Ássanbáiki: Suovvejohka Unjárgga gielddas.
Siviilaseahtu: Oktoolmmoš ja lihkolaš. Ii oktage manna.
Sámesearvi: Unjárgga sámiid searvvi jođiheaddji ja NSR organisatuvrralaš nubbinjođiheaddji.
Sámedikkis: Fásta lahttu 2005 rájes.
Virggit: Sámeráđi Arktalaš ja birasossodaga jođiheaddji 2005 rájes, sámediggeáirras ja NSR organisatuvrralaš nubbinjođiheaddji.
Duogáš: Oahpaheaddji, giellakonsuleanta, prošeaktajođiheaddji, Eamiálbmotčállingotti ráđđeaddi Københámmanis. Dábálaš oahpaheaddjeoahppu, pedagogihkka, eŋgelasgiella vuođđofága ja. “Master of Arts” guovttegielatvuođas ja eara.
Eará beroštumit: Vistehuksen, interiør, luondu, gođđin ja dihtorastin. Sámeálbmot bellodaga ja valáštallansearvvi Ilar miellahttu, Unjárgga gilisearvvi nubbejođiheaddji, doarjjalahttu Unjárgga penšunistasearvvis, Sámi nissonforuma, Bivdi ja IWGIA miellahttu.
Loga eanet NSR politihka birra min válgaprográmmas.
Gunn-Britt Retteris lea sierra blogga.
Gunn-Britt YouTube:s
Dáppe gávnnat eanet govaid Gunn-Britt Retteris
Kommenter denne artikkelen
Tips en venn Gå tilbake