Odne álgá sámi festivála Márkomeannu mii lágiduvvo Gálogiettis Evenášši suohkanis Nordlánddas. Márkomeannu ávvuda go dál leat 10 jagi čalmmustahttán ja gaskkustan sámi kultuvrra guovllus gos sámivuohta guhká lei čihkosis. Márkomeannu lea dagahan ahte márkogilážat leat šaddan dovddusin, erenoamážit nuorat gerddiide. Festiválas gávnnat olu buori sámi dáidaga ja kultuvrra erenoamáš čáppa festiválabáikkis.
Rábmo nuoraid
- Mii sávvat lihkku Márkomeannui ja buohkaide geat leat mielde lágideamen festivála, cealká NSR jođiheaddji ja presideantaevttohas Aili Keskitalo. – Mun lean čeavlái ja ilus go sámi nuorat ieža leat ráhkadan dán arena gos beassat vásihit sámi kultuvrra ja musihka. go festivála dál ávvuda logi jagi, de dat čájeha ahte leat nákcen oččodit ja movttidahttit ođđa nuoraid, ja maiddái eará gerddiid, veahkehit ja leat mielde lágideamen festivála.
NSR báikkálaš searvi ásahii festivála
Lei NSR báikkálaš searvi Stuornjárgga Sámenuorak mii álggahii Márkomeanu. Dál gal lea festiválas sierra organiseren ja ruhtadeapmi, earret eará Sámedikkis. Aili Keskitalo searvá Markomeanuide bearjadaga ja lávvordaga.
Kommenter denne artikkelen
Tips en venn Gå tilbake