Guovdageainnu rektor muitala ahte go sii diibmá ožžo fálaldaga nuvttá oahppogirjjiid oažžut Sámedikkis, de dahke sii nu mo eanaš eará skuvllat ge dahke; sii diŋgojedje girjelána. – Soittii leat vuogas, jus de mat boađášii ávki dain, čilge son.
Ovtta vuorkkás nubbái
Odne, jagi maŋŋil, de leat goit ge girjjit ain rabakeahtes kássain nuoraidskuvlla gealláris. – eai dat anihan min skuvlla árgabeaivvis, danin dat dál leat ráddjojuvvon geallárii, duođašta nuoraidskuvlla rektor Ellen J. Sara Eira.
- Berrešedje heahpanit!
Sámedikki nuvttá-retorihkka oahpponeavvuid ektui ii bastte sutnje. – Mu mielas lea njuolgut badjelgeahččanvuohta go duvdet boares girjjiid min mánáide. Berrešedje baicce heahpanit eai ge gieđaid speažžut nu mo dál dahket. Jus politihkkáriin duođaid lea dáhttu ovddidit giela, de ferte dan dahkat skuvllaid bokte. Dál ferte Sámediggi guldalit oahpaheddjiid. Dan maid mii dárbbašat leat ođđa vuođđogirjjiid juohke fágas. Dan berrešii leat vejolaš čoavdit, oaivvilda Guovdageainnu nuoraidskuvlla rektor, Ellen J. Sara Eira.
- Ođđa girjelátna
– Mii leat dál ožžon ođđa girjelána, konstatere presideantaevttohas Aili Keskitalo (NSR). Ovtta eaŋkilmearrádusain leat sii dál dagahan duppal vahága, dainna boađusin ahte sámi mánát fertejit daid ođđa oahpponeavvuid vuordit ain guhkit.
Juohke viđát ođđa oahppogirji maid sámi mánát ledje boahtte jagi galgat oažžut, eai oaččo danin go Bb lea oasttán boares girjjiid vuorkkáin. Dán rehkenastá go geahččá oahpponeavvu bušeahttaloguid jahkái 2009 obalohkái (ru 11 875 000) ja dan supmi maid leat geavahan boares girjjiid oastimii (ru 3 000 000). Go Sámedikki doarjjastivra gieđahalai oahpponeavvuohcamušaid dán jagi njukčamánus, de gárte hilgut 47% ohcamušain. Nu sáhttá duođaštit ahte leat olu prošeavttat vuordimin ruhtadeami.
Ášši duogáš: Sámediggi osttii dán jagi geassemánus boares skuvlagirjjiid sámi lágádusas Davvi Girjjis, nu ahte sii besset eret girjelánas mii jagiid čađa leat čoagganan. Maiddái diibmá gurrejedje ovtta lágera ja sáddejedje daid skuvllaide. Sihke rektorat ja eará pedagogat gohčodit dán badjelmielat golaheapmin almmolaš ruđaiguin, go girjjit leat boarásmuvvan:
http://www.avvir.no/index.php?news=602
http://www.nrk.no/kanal/nrk_sami_radio/1.6672280
http://www.nrk.no/kanal/nrk_sami_radio/1.5833898
Kommenter denne artikkelen
Tips en venn Gå tilbake