RSS-feed

Velg språk!

Utskriftsvennlig versjon Boazonissoniid vuoigatvuođat – ii duohtavuođas
Randi A. Skum lea 2. evttohas NSR sámediggelisttus Gáiseguovllu válgabiires.
Duollet dálle ieš guđet oktavuođain ja ieš guđet sajiin ain čuožžila gažaldat mo oččodit eanet nissoniid boazodollui. Dán lohkkiidčállosis čuoččuha sámediggeáirras Randi A. Skum ahte boazonissoniin duohtavuođas eai leat vuoigatvuođat.

Almmuhuvvon: 19.07.2009

Dán fáttá leat čielggadan ja guorahallan ja gávdnojit máŋggat rápportat mat nannejit ahte vaikke vel ii leat lága bokte erohus sohkabeliid gaskkas, de boazonissonat dávjá govssahallet ealáhusas. Dán leat nu bures vuođuštan ahte konklušuvdna lea čielggas: nissonolbmuin leat heajut eavttut boazodoalus go dievdduin.

Unnán lea rievdan

Na mo de? Mis leat logut ja duođaštusat, muhto mii duohtavuođas dáhpáhuvvá? Oalle unnán, dan mielde maid mun vávjján. Jagis 2005 ledje 16 % buot sis geain lea doalloovttadat nissonolbmot, ja illá jáhkán dilli lea olus rievdan dan rájes. Dát lea boađus das go nissonolbmot eai oaččo sierra siidaoasi.

Ákkastallet nissoniid vuostá

Lea maid dáhpáhuvvan ahte nissonolmmoš lea háliidan leat siidaoasi jođiheaddjin, muhto earát leat vuosttildan go eai loga doarvái čeahppin. Ágga lea ahte nissonolbmos váilo doarvái hárjáneapmi beaivválaš boazobarggus. Muhto de gal ferten jearrat GOAS dát nissonolbmot galggašedje oažžut dán hárjáneami? 1979 boazodoalluláhka han njuolgut bággii nissonolbmuid eret beaivválaš doaimmain.

Vuoittohállit

Boazodoalu industrialiseren deattuhii biergobuvttadeami, eanet mekaniserema ja doarjjaortnegat heivehuvvojedje ”aktiivvalaš” boazodolliide. Definišuvnna mielde dát leat dievddut geain lea doalloovttadagat. Nissonolbmot ledje duohta dilis vuoittohállit. Dál galget sii dasa lassin gillát go boazodoallopolitihkka leamašan endorii ja dán politihka váikkuhusat geavahuvvo daid nissoniid vuostá geat háliidit váldit jođihanovddasvástádusa siiddas.

Lea áigi dahkat juoga!

Mu oainnu mielde dát lea áibbas dohkketmeahttun. Dál lea áigi duođas váldit buot daid čielggademiid ja rápportaid mat gávdnojit ja bidjat johtui konkrehta doaimmaid. Ii čielggademiin leat makkárge ávki jus dat duvdojuvvojit muhtin skuffii! Ovdamearkka dihtii sáhttit álgit addit sierra siidaosiid daid moatti nissonolbmuide geat dan sihtet.





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S