Dáid ruđaid ovddas ledje baicce galgat ráhkadit dan maid sámi mánát ánssášit, nammalassii ođđa, heivehuvvon oahppogirjjit buot fágain.
NSR diŋgui evaluerema
Guhkit áigge lea digaštallan jorran sámi oahpponeavvuid birra. Ášši jorragođii go sámi oahpaheaddjit váillahedje ođasmáhttojuvvon sámi oahpponeavvuid heivehuvvon Máhtoloktemii. Sámediggi oaččui ovddasvástádusa oahppogirjebuvttadeamis 8-9 jagi áigi. Evaluerenrápporta maid NSR-sámediggeráđđi diŋgui, čájehii ahte ledje olu váttisvuođat čatnon sihke oahpponeavvobuvttadeapmái (manai menddo njozet) ja oahppogirjjiid juohkimin geavaheddjiide (eai nagodan vuovdit oahpponeavvuid).
Oahpponeavvut álo leamašan nuvttá
Eai buot gielddat lean oastán daid oahpponeavvuid mat gávdnojedje. Dát mielddisbuvttii earret eará ahte lágádusat gárte doalvut olu girjjiid lágeriidda. Bb`a čoavddus dáid váttisvuođaide lea ge sátnespeallu ”nuvttá oahpponeavvut”. Muhto oahpponeavvut han gal leat juo nuvttá mánáide vuođđoskuvllain miehtá riikka. Dan maid Bb duođas oaivvildii lei ahte dál galgá dáid oahpponeavvuid nuvttá skeŋket gielddaide. Váikkuhus lea ahte vátna ruđaid maid lei galgat geavahit ođđa oahpponeavvuid buvttadeapmái, dál golahuvvojit oastit lána boares girjjiid.
Vearrámusat ožžot dál bálkká
Lean duššástuvvan go dál vuitet ”vearrámus” gielddat. Sii geat dihtomielalaččat eai leat oastán sámi oahpponeavvuid ožžot dál bálkká. Bb-sámediggeráđđái han gal várra heive bures ruhtadit Bb-stivrejuvvon gielddaid geat eai leat váldán ovddasvástádusa sámi mánáid skuvlafálaldagas – maid hal mun dieđán.
Mo daid eará hástalusaiguin?
Sámi skuvllas leat hirbmat olu hástalusat ovddasguvlui. DAS gal ii beroš Bb áktánasat. Maid áigot sii bargat vuoi sámi skuvla šaddá seamma buorre go dáčča skuvla? Mo áigut sii geatnegahttit bellodatustibiid gielddain váldit ovddasvástádusa? Boares oahpponeavvut skuvllaide ii buvtte buori.
Kommenter denne artikkelen
Tips en venn Gå tilbake
Kommentarer:
Nuvttá vai ii av Sápmi 16.07.2009 04:36
Mun jáhkan skuvllat dál diŋgojit girjjiid maid rievtti mielde eai dárbbaš. Muitet: álki lea čuohppat govddibun jos dat lea nuppi olbmo...