Otne golahit eiseválddit menddo olu áiggi lohkat, dutkat ja kvohtaid bokte reguleret bivddu.
Giksin ja váttisvuohtan
- Njuorju lea boraspire, mii heađušta riddoguolásteddjiid eallinláibbi, seamma láhkai go boraspiret gáttis heađuštit boazodoalu ja sávzzadoalu. Lea surgat dovddastit ahte njuorju lea šaddan giksin ja váttisvuohtan. Ovdal dat leamašan dehálaš riggodat. Muhto nu lea goit duohta dilli, ja dan ektui mii fertet bidjat doaimmaid johtui, dadjá 1. evttohas sámediggeválggaide Nuortaguovllu válgabiires, Gunn-Britt Retter (NSR/SáB).
Bivdu ii doaimma
Sii geat hálddašit njuorjobivddu fertejit gávdnat buoret vugiid geahpedit njuorjologu. Dálá bivdu ii doaimma nu mo galgá.
Eiseválddit dat jahkásaččat mearridit kvohtaid njuorjobivdui. Eanet kvohtat ja bivdomovttiideapmi galgá bissehit geađgenjurjuid ja ávčču laskamis. Deanuvuona guollebivdit vásihit ahte njurjot leat sihke giksin ja olggosgollun. Dát balddiha. Kvohtat ja otná bivdu ii leat doarvái buorit doaibmabijut geahpedit geađgenjurjuid ja ávččuid logu. Lea ”Sjøpattedyrrådet” mii buktá rávvagiid Riddu- ja guolástandepartementii das mii guoská njuorjobivdui, ja dát lea vuođđun hálddašeapmái.
Kommenter denne artikkelen
Tips en venn Gå tilbake