- Dát lea čielga vuoruheapmi min bealis, ja dán leat mii maiddái dahkan ovddit válggain, muitala NSRa nubbinjođiheaddji ja njunoševttohas Nuortaguovllu válgabiires Gunn-Britt Retter. – Min giellapolitihkka lea ahte buot sámegielat galget gullot ja oidnot eambbo oktavuođain. Dán mii háliidat galgá vuhttot min beaivválaš barggus. Mii váldit sámegiela duođas, lea Rettera čielga diehttu.
– Min jienasteaddjit galget dovdat gullevašvuođa min prográmmii – makkár gielladuogáš leaš.
NSRs, mii dál lea stuorámus opposišuvdnajoavku Sámedikkis, leat dál čielga vuordámušat ahte maiddái dat eará stuorát bellodagat Sámedikkis čuovvolit NSRa ovdamearkka ja almmuhit válgaprográmmaideaset buot váldosámegielaide. – Jus mii sámepolitihkkárat galgat leat jáhkehahtti go hállat giellaáŋgiruššama birra, de fertet ieža ge čuovvulit dán politihka árgabeaivvis, deattuha Gunn-Britt Retter.
Norgga Sámiid Riikkasearvvi válgaprográmma sámediggeáigodahkii 2009-2013 sáhttá viežžat dáppe:
Kommenter denne artikkelen
Tips en venn Gå tilbake