- Gálden/gáskin leamašan áiggiid čađa hirbmat dehálaš boazodoalus, vuoi ožžot rivttes struktuvrra ealus, dadjá Kappfjell, guhte ieš lea badjenisu. – Gáskkihat eat lojibut, ja dáid sáhttá njuovvat maiddái ragatáiggis. Viissis mearri gáskkihat ealus dagahit stabilitehta ja šaddá álkkit guođohit ealu, čilge son.
Otne leat čavga njuolggadusat gii sáhttá gáldet, ja mo dan galgá dahkat. Dat mielddisbuktá ahte leat massimin árbevirolaš máhttu gáldema/gáskima birra. Kappfjell oaivvilda ahte dan baicce ferte seailluhit.
- Otná servodagas lea olu sáhka elliid dilis. Dalle lea álki vajáldahttit ahte árbevirolaš boazodoalus leat gálden/ gáskan aiddo fal danin ahte ealus obalohkái galggai šaddat buoret dilli, deattuha Kappfjell. – Mu mielas dat duođašta ahte dat máhttu maid mii leat máttuin árben, lea dehálaš maiddái dálá boazodollui, ja lean ilus go Sámedikki doarjjastivra lea vuoruhan ohcamuša.
Kommenter denne artikkelen
Tips en venn Gå tilbake