Várjjat Sámi Musea lea aiddo ráhpan čájáhusastis “LUONDU – Bassi eanadat” Ceavccageađggi diehtojuohkin hállas. -Čájáhus vuohkkasit gaskkusta sámi luonddu áddejumi ja myhtalaš luonddu ja lea kontrástan otná hoahppus servodahkii. Mun jáhkán báikiolbmot seammá bures go turisttat ge atnet čájáhusa miellagiddevažžan, cealká Gunn-Britt Retter, Norgga Sámiid Riikasearvvi/ SáB 1. kandidáhta Sámediggeválggaide Nuortaguovllu válgabiires.
Ieš áigu viššalit geavahit
Sámediggi lea dorjon sámi oskku- ja mytologiijaguovddáža prošeavtta ruđalaččat. Dán barggus oaidnit dál bohtosiid Ceavccageađggis. Mun lean hirbmat movttet go Sámedikki doarjjastivra dál lea válljen juolludit ruđa neahttačájáhussii. Ieš ge boađán leat viššalis geavaheaddji dákkár neahttabáikkis go galggan čilget sámi biras- ja resurssageavaheami riikkaidgaskasaš čoahkkimin, lohká Gunn-Britt Retter.
Loga eanet NSR/ SáB listtu birra Nuortaguovllu válgabiires.
Kommenter denne artikkelen
Tips en venn Gå tilbake