- Dat guhte áigu jienastit Sámedikki válggain gal ferte dál doamihit. Lea dehálaš ahte nu ollu Porsáŋgulaččat go vejolaš dieđihit jienastuslohkui. Das rájes go Sámediggi ásahuvvui 1989:s Áltá-ášši maŋŋá, de sii leat čađahan dehálaš barggu mii čielgasit lea nannes sámivuođa ja sámi kultuvrra min servodagas. Searvva don ge váikkuhit Sámedikki barggu! Nu ávžžuha áidoválljejuvvon jođiheaddji Porsáŋggu Sámiid Searvvis.
Mii sáhttit veahkehit!
Searvi dáhtošii váikkuhit nu ahte nu olusat go vejolaš gieldda ássiin dieđihit jienastuslohkui, ja searvvi miellahtut áigot dáid beivviid doalvut skoviid ieš guđet báikkiide gielddas. Mii sáhttit maid leat veahkkin jus ovttasge ležžet jearaldagat válggaid birra. Jienastanlogu skoviid sáhttá čálihit dáppe.
Nuorat leat dehálaččat
Porsáŋggu Sámiid Searvvi mielas lea erenoamáš dehálaš ahte nuorat dál servet jienastuslohkui. Jođiheaddji May-Ann Aikio Nilsen ávžžuha ge buohkaid geat dovdet nuoraid veahkehit sin dieđihit jienastuslohkui. – go nuorat dieđihit iežaset, de sii besset agibeaivái jienastit Sámedikki válggain. Sámediggi lea bures ásaiduvvan, ja lea dehálaš ahte olusat servet válggain, deattuha May-Ann Aikio Nilsen. Son lasihastá ahte dehálaš áššit dego FeFo ja Smith lávdegotti árvalus mearraguolásteami birra gieđahallojuvvo Sámedikkis, ja sii geat eai searvva válggaide eai beasage váikkuhit Sámedikki meannudeami dáid áššiin.
Sáhttá váldit oktavuođa Porsáŋggu Sámiid Searvvi jođiheaddjin, May-Ann Aikio Nilsenin, tlf: 92 46 74 89.
Kommenter denne artikkelen
Tips en venn Gå tilbake