- Deanu kulturskuvla lea buorre ovdamearkan dasa man buori barggu kulturskuvllat sáhttet dahkat. Deanu kulturskuvlla teáhterjoavku lokte áigeguovdilis áššiid ja addá daidda sámi sisdoalu. Dát lea dehálaš fálaldat, ja lean erenoamáš duhtavaš go Deanu kulturskuvllaoahppit ožžot sámi fálaldaga, cealká Partapuoli.
Galgá leat sámi kulturskuvlafálaldat
Norgga Sámiid Riikkasearvi/ SáB prográmmas čuožžu ahte min mánáin galgá leat valljis kulturskuvlafálaldat ja ahte sis galgá leat vejolašvuohta válljet fálaldagaid main lea sámi sisdoallu. Dán ovddas mii áigut bargat Sámedikkis.
Siri, Ebba ja Dag
Lea deatnulaš Siri Broch Johansen gii lea čállán teáhterbihttá. – Eai gávdno máŋga sámi drámatihkkárat. Danin lea nana buorre go Siri Broch Johansen dál lea čálligoahtán sámi teáhterbihtáid, ja mun sávan son joatká dainna. Maiddái teáhterbagadalli Ebba Joks ja kulturskuvlarektor Dag Broch ánssášeaba rámi. Sii barget dehálaš ja buori barggu Deanu mánáid ja nuoraid várás, muhto maiddái sámi kultuvrra ovddas, rámida Káre-Elle Partapuoli.
Dollejit Fearasulluide
”Eatnanspáppastallan” čájehuvvo maiddái ihttin, ja boahtte vahkos dat čájehuvvo Fearasulluin, go lea válljejuvvon Norgga ovddastit Davviriikkalaš mánáidteáhterfestiválas.
Gulahallandieđut:
Káre-Elle Partapuoli, tlf. 970 89 610
Kommenter denne artikkelen
Tips en venn Gå tilbake