-          Lea menddo unnán golmmain ofelaččain, nugo otná beaivve lea. Sii barget buori barggu, muhto olahit dušše oasáža Norgga skuvlaohpiin. Mii diehtit ahte lea stuorra dárbu eambbo dieđuide, sihke sámi kultuvra ja servodat dili birra. Dát doaibma eastada ovdagáttuid ja dan dihte lea ge stuorra dárbu olahit eambbosiidda. Buoremus vuohki mo oahpá ja oahpásmuvvá eará kultuvrrain lea go ieš beassá vásihit dan, dadjá ovdalaš sámi ofelaš ja NSR nuoraidlávdegotti nubbinjođiheaddji Berit Kristine Andersen Guvsám.  

Diehtogaskkusteapmi

Dávjá govviduvvo sámi kultuvra boastut skuvlagirjiin, ii ge atte atte ollislaš gova sámi kultuvrras. Ovdamearka lea go ii gávdnu dárkkisteapmi mii dárkkista lea go skuvlagirjji dieđut riekta. Sámi ofelaš fálaldat addá rivttes gova ohpiide mo sámi nuoraid dilli lea, ja lea ge maŋgasiidda vuosttaš ja maŋimuš deaivvadeapmi sámi kultuvrrain.

Sámi ofelaš prošeakta

Sámi ofelaš prošeavtta álggahii Erna Solberg 2004is, guhte lei dalá Gieldda- ja regional ministtar. Golbma sáme nuora mátkoštit ja guosohit skuvllaid gos muitalit sámi kultuvra ja servodatdili birra. Sámi ofelaččat oahpahuvvojit Sámi allaskuvllas vuoi sáhttet čáđahit sin jahkásaš barggu. Sámi ofelaččat johtet eanáš joatkaskuvllain, ja sii vásihit ahte sin máhttu lea dárbbašlaš ja ohcaluvvo.

Oktavuođaolmmoš:

Berit Kristine A Guvsám,  ovdalaš sámi ofelaš ja NSR-nuoraidlávdegotti nubbinjođiheaddji
Mob: 481 40 247
E-post: beritkristine(a)gmail.com

Loga eambbo sámi ofelaš prošeavtta birra: http://www.samiskeveivisere.no

På samisk/sámegillii