Sámediggi ja fylkkasuohkan leat lasiheamen sámi sisdoalu fitnooahpuide Romssa fylkkas, nu go čuožžu ovttasbargosoahpámušas. Sii leat maid bargamin lasihit duodjeoahpahalliid logu. Danne leage Ráissa joatkkaskuvlla design- ja duodjefálaldat hui dehálaš, cealká Silje Karine Muotka.

Davvi-Romssa duodjeárbevierru

Ođđa dujiid sáhttá ráhkádit dološ dujiid hámis. – Davvi-Romssas leat čeahpes duojárat ja olu olbmo máhttet duddjot, cealká Muotka. – Dán guovllus gorrot gávttiid ja čuldet ránuid ja dološ duojis šaddet ođđamállet duojit. – Lean máŋga jagi juo oaidnán man čeahpit nuorat leat dáidagiin ja designain, ja movt sii hábmejit ođđa dujiid dološ duddjonmálle mielde. Oahppofálaldagas besset dál bargat vel eambbo, dál go oahppofálaldat jotko, cealká Muotka.

Ráissa joatkkaskuvla ressursaskuvla

Gielas ja fitnooahpus lea Ráissa joatkkaskuvla ressursaskuvla. Duodjefálaldat leamaš juo máŋga jagi, ja skuvllas leat maid ráhkaduvvon oahpponeavvut, muitala Muotka ja čilge movt joatkkaskuvla bures bargá fidnooahpuin.

Duodjefálaldat jotko

Áibbas buorre go Romssa fykkadiggi mearridi bisuhit dákkár dehálaš oahppofálaldaga Ráissa joatkkaskuvllas, loahpaha NSR vuosttaškandidáhtta Davviguovllu válgabiires, silje Karine Muotka.

Gulahallandieđut

Silje Karine Muotka, 1. Evttohas sámediggeválgii Davviguovllu válgabiires
Tlf. 98487576

Muotka rámida čeahpes nuoraid