Stuorradiggi mearridii 04.06.09 ođđa minerálalága, man Sámediggi lei čielgasit dieđihan ahte sii eai dohkket. Vahkku ovdal stuorradiggemearrádusa, lei ovttajienalaš Sámediggi váruhan Stuorradikki mearrideames ođđa lága.
Sámediggi várre garrasepmosit dan vuostá ahte dohkkehit dakkár minerálaláhkaevttohusa dan hámis mii das lea dál. Čuovusin šaddá ahte láhka, dan sajis go ovddidit mineráladoaimmaid, caggá dakkár doaimmaid davvin. Sámediggi ii sáhte dohkkehit dakkár doaimmaid mat muddejuvvojit dakkár lágas, mii ii fuolat sámi vuoigatvuođaid.
Ovttajienalaš mearrádus Sámedikkis 29.05.2009
- Dát lea duođalaš ášši. Sámediggi lea čielgasit dieđihan ahte mii eat dohkket lága nu mo dat dál lea. Das leat diehttelasat váikkuhusat – ja maŋemuš sátni ii leat dán áššis celkon, deattuha Aili Keskitalo.
Kommenter denne artikkelen
Tips en venn Gå tilbake