Sámediggi lea juolludan 200.000 ruvnnu RiddoDuottar museai mii lea merkejuvvon ovdaprošektii man ulbmil lea ásahit Duođaštanguovddáža Álttá/Guovdageainnu-áššái.
- Álttá-Guovdageain-ášši lei historjjálaš ášši sihke sámi ja dáčča servodagas. Ášši dagahii ahte sámi vuoigatvuođaášši ovdánii ja Sámediggi ásahuvvui, cealká Aili Keskitalo. Doaivvun leat stuorra beroštupmi servodagas duođaštit dáid historjjálaš dáhpáhusaid ja daid proseassaid mat das vulge.
- Lea lunddolaš hukset duođaštanguovddáža Mázii, go ášši ja politihkalaš mobiliseren vulggii doppe, oaivvilda Keskitalo. – Mii fertet muitit ahte Máze-servodat fertii máŋggaid jagiid eallit dulvadanáitagiiguin. Dát buvttii heajos váikkuhusaid gili ovdáneapmái ja moktii.
NSR evttoha duođaštusguovddáža Mázii.
Kommenter denne artikkelen
Tips en venn Gå tilbake