- Mii dárbbašat ođđa aktiivvalaš giellapolitihka guovddáš eiseválddiid bealis, danin go mii diehttit ahte lea váttis duohta dilis čađahit giellapolitihka. Ovdamearkkat leat váilevaš dulkonbálvalusat buohcciviesuin, váilevaš oahppogirjjit skuvllain, ja beaivválaččat mii gullat mo giellalága rihkkot. Mii fertet duođaid ražastit jus dán galggaš rievdadit, cealká presideantaevttohas Aili Keskitalo (NSR).
Oahpes áššit
Doaibmabijut doaibmaplánas leat oahpes áššit, ja dakkár hámis masa buohkat sáhttit leat ovttaoaivilis. Mis lea buohkain oktasaš mihttomearri sihkkarastit ahte boahtteáiggis leat eambbosat geat hupmet sámegiela.
Ruhta ferte čuovvut!
- Doaibmabijut mat evttohuvvojit leat oahppásat, ja eanaš oassi dain leamašan juo fáddán sámepolitihkas máŋgalogi jagiid. Dat mii dagaha ahte dát doaibmaplána goit ge lea dehálaš, lea ahte mis leat vuordámušat ahte čuvvot ruđat plána mielde. Máksá jus sámegiella galgá ovdánit! Lassin 69 siidosaš dokumentii, ferte Ráđđehus buktit milliuvnnaid jus galggaš masage ávkin!
NSRa 10 doaimma loktet sámegiela.
Loga Ráđđehusa doaibmaplána dáppe.
Kommenter denne artikkelen
Tips en venn Gå tilbake