Sámedikkis lea odne seminára mánáidkonvenšuvnna birra, mii dán jagi ávvuda 20 jagi.
- Lea dehálaš muittuhit man dehálaš konvenšuvdna sáhttá leat sámi mánáide Norggas. Mu mielas leat sámi politihkkárat dássážii veahá badjelgeahččan dán konvenšuvnna, dadjá Aili Keskitalo. Mánáidkonvenšuvdna manná ovdabeallái Norgga lágaid. Sáhttit go mii geavahit konvenšuvnna sihkkarastit sámi mánáid vuoigatvuođaid sámegillii dalle go Oahpahusláhka ii leat doarvái gievra?
Oasit mánáidkonvenšuvnnas:
Artihkal 17 d):
”Bealit galget movttiidahttit media erenoamážit fuolahit gielalaš dárbbuid daid mánáin geat gullet unnitloguálbmogii dahje álgoálbmogii.”
Artihkal 30:
”Dain riikkain main leat etnihkalaš, oskkoldatlaš dahje gielalaš unnitlogujoavkkut dahje eamiálbmogiid lahtut, dákkár unnitlogujoavkku dahje eamiálbmoga mánás ii oaččo biehttalit vuoigatvuođa návddašit ovttas joavkku eará lahtuiguin iežas kultuvrras, dovddastit ja ollašuhttit iežas oskkoldaga dahje geavahit iežas giela."
Dás sáhtát lohket olles mánáidkonvenšuvnna (dárogillii)!
Kommenter denne artikkelen
Tips en venn Gå tilbake