- Sámi mediafálaldat mánáid lea hui vánis. Eai leat boahtán ođđa fálaldagat moatti jahkái. Nu ii sáhte leat. Mii eallit jagis 2009, ja ođđa digitála teknologiija dagaha ahte livčče galgan álki čáhkket sáddenáiggi maiddái beaivválaš sámegielat mánáid-tv sáddagiidda, oaivvilda Keskitalo.
Sámegiella heavvana
Mediafálaldat sámegillii lea hui dehálaš sámi mánáid giellaovdáneapmái, giela stahtusii ja oinnolašvuhtii servodagas. Sámi giellaarenat olggobealde oahpahusvuogádagaid leat dehálaš doarjjan giellabargguide mat dahkkojit ruovttuin, mánáidgárddiin ja skuvllain. Maiddái sámi mánáide leat eanet ja eanet mediafálaldagat olahanmuttus, sihke TV ja interneahta bokte, ja sámegielfálaldat heavvana daid sisa.
NRK Superii maid sámegiella
- Muittuhan ahte mánáid-tv fálaldat dárogielat mánáide lassánii ollu go NRK álggahii ođđa digitála tv- kanála NRK Super. Maiddái sámi mánát berrešedje beassat ávkkástallat NRK:a lassi sáddennávccain. Mihttun ferte leat beaivválaš sámi mánáid-tv sáddagat.
TV2`s maid ovddasvástádus
NSR evttoha ahte Sámediggi váldá ášši bajás NRK Sámi Radioin ja guovddáš NRK, ulbmilin oažžut ođđa viiddiduvvon mánáid- tv sáddagiid sámi mánáide. Maiddái kommersiealla tv- kanálat fertejit hástaluvvot buoridit sin sáddenfálaldaga sámi mánáide, oaivvilda NSR.
Kommenter denne artikkelen
Tips en venn Gå tilbake
Kommentarer:
TV-Šovv av Einejord Márehis 26.05.2009 18:49
Sámi mánáid-TV lea hui dehálaš, ja lea maid buorre go NRK bidjá mánáid-TV internehttii www.nrk.no/manaidtv. Dál galggašedje bidjat ovddeš Kákáoš TV-Šovvaid mai!!