Konsultašuvnnaid maŋŋá ii leat ovttaoaivilvuohta gaskal Sámedikki ja Ráđđehusa, ja Stuorradiggi lea mearrideamen lága mii ii čuovo álbmotrievttálaš prinsihpaid masa Norga lea miehtan.
Ođđa láhka ii váldde vuhtii ahte sápmelaččat ásset ja leat vuoigatvuođat máttabealde Finnmárkku maiddái, ja dat ii atte Sámediggái doarvái váikkuhanvejolašvuođa mineráladoaimmain, ja dat ii sihkkarastte sámi báikegottiide buhtadusa daid riggodagaid ovddas mat vižžojuvvojit eret sámi guovlluin.
Ferte čuovvolit dáža eiseválddiid ektui
Sámediggi lea dál čoahkkanan maŋemuš dievasčoahkkimii dán áigodagas. Ođđa Sámediggi ii beasa ášši gieđahallat ovdal áramusat jahkebeali geažis. Danin ferte Sámediggi dál geavahit vejolašvuođa čuovvolit ovdalis sámediggemearrádusa, ja buktit cealkámuša čuovvoleapmin dáža eiseválddiide, riikkaidgaskasaš orgánat ja minerálaealáhusa.
Dát cealkámuš berre muitalit makkár oaidnu Sámedikkis lea mineráladoaimmaide sámi guovlluin maŋŋá láhkamearrádusa.
Kommenter denne artikkelen
Tips en venn Gå tilbake