- Lea duođalaš ášši go mis lea oađđi sámediggeráđđi. Sámi servodagain leat olu hástalusat ja servodagas leat gievra fámut geat áigot heaittihit olles Sámedikki. Lea dehálaš ahte mis dál lea gievra ja doaimmalaš sámediggeráđđi. Dađi bahát ii leat dilli nu odne, moaitá sámediggeáirras Klemet Erland Hætta (NSR).
Doaibmaplána doaibmabiijuid hága
Doaibmadieđáhusas lea sámediggeráđđi eanaš geardduhan áššiid doarjjastivrras ja ovttasbargošiehtadusain fylkkasuohkaniiguin. Nu gohčoduvvon ”doaibmaplánas” sámi gilážiid várás, eai oba gávdno ge doaibmabijut.
Menddo heittot!
- Mis ledje stuorra vuordámušat sámi gilážiid doaibmaplánii. Das ii oba leat ge sisdoallu, ja doppe leat dušše geardduhan dan maid buohkat dihtet ovddežis. Eai oba gávdno ge doaimmat mat galget sihkkarastit ássama sámi gilážiin. Dás gal lea Bb dahkan menddo heajos barggu, dieđiha Klemet Erland Hætta (NSR).
Ii leat buorre uniitloguráđiin
- Mun oaivvildan sámediggeráđi váilevaš doaimmat bohtet das go lea unnitloguráđđi mii dál stivra Sámedikki. Mii leat NSR bealis álggu rájes váruhan ahte nu boahtá geavvat, ja sávan ahte dilli rievdá čavčča válggaid maŋŋá ja ahte oažžut ráđi mas lea nana eanetlohku duogábealde, dadjá Hætta.
Kommenter denne artikkelen
Tips en venn Gå tilbake