NSR presideantaevttohas Aili Keskitalo dieđiha ahte ášši loktejuvvo boahtte vahko dievasčoahkkimis.
Ii berre leat suohkana ovddasvástádus
- Hui olu dálá sámi mánáidgárddiin leat álggahuvvon priváhta hámis, go eiseválddit eai leat bastán váldit ovddasvástádusa sámi mánáid fálaldagain. Dát čielgasit čájeha ahte dát ii berre leat dušše suohkaniid ovddasvástádus. Mun balan ahte rievdadusat sáhttet billistit dálá mánáidgárddiid ovddas ja hehttet ahte ođđa sámi mánáidgárddit ásahuvvojit. Min vásáhusat muitalit ahte suohkanat eai nákce vuoruhit sámi mánáid, cealká presideantaevttohas Aili Keskitalo (NSR).
Dorjot mánáidgárddiid
Priváhta mánáidgárddit meahttá riikka leat dieđihan ahte sii áigot odne, maŋŋebárgga 19.05.09, giddet mánáidgárddiid uvssaid čájehan dihtii vuostehágu ráđđehussii geat evttohit rievdadit ruhtadanvuogi mánáidgárddiide 2011 rájes. Ráđđehus lea evttohan sihkkut láhkapáragráfa mii geatnegahttá suohkaniid addit doarjaga priváhta mánáidgárddiide seamma dásis go suohkana mánáidgárddiide.
Ávžžuha geassit evttohusa
NSR ballá ahte dát láhkarievdadus sáhttá dagahit ahte suohkanat biehttalit addimis doaibmadoarjaga ođđa priváhta sámi mánáidgárddiide, dainna ákkain ahte sis leat juo doarvái dárogielat mánáidgárdesajit. – Mun ávžžuhan ráđđehusa geassit dán evttohusa, dieđiha Keskitalo.
Loga NSRa gulaskuddancealkámuša láhkaárvalussii.
Sámedikki doarjja sámi mánáidgárddiide 2009
Loga eanet presideantaevttohasa Aili Keskitalo birra dáppe.
Denne teksten på norsk
Kommenter denne artikkelen
Tips en venn Gå tilbake