- Duoddara Ráffes leat eaktodáhtolaččat bargan guhkit áigge ja sii ánssášit rámi. NSR dáhttu váikkuhit nu ahte doaibmadoarjja lassána, nu ahte viessu maid Sámediggi ja Nordlándda Fylkkagielda leaba ruhtadan, sáhttá oažžut eambbo sisdoalu. Mu oainnu mielde leat dát goit smávvaruđat – muhto doaivumis dat sáhttet buktit ođđa doaimmaid. Dát lea goit lávki rivttes guvlui ealáskahttit bihtánsámi giela, kultuvrra ja identitehta, cealká sámediggeáirras Miriam Paulsen (NSR).
Rámiida Bihtánsámi viesu
NSR rámiida Bihtánsámi viesu go lea erenoamáš dehálaš bihtánsámi giela, kultuvrra ja identitehta nannenbarggus. Dát lea okta daid sámi giellajoavkkuin mii lea eanemus uhkiduvvon. Danin NSR mielas lea dehálaš ja riekta lasihit doarjaga Bihtánsámi vissui. Boahtteáiggis berre dán submi lasihit vel eanet, nu ahte ovdamearkka dihte šattašii vejolaš ásahit sierra virggi viesus. Odne ii leat oktage bargi sis.
Ovddida giela, kultuvrra ja identitehta
Duoddara Ráffe ulbmil lea ovddidit bihtánsámi giela, kultuvrra ja identitehta Báidára guovllus, ja dat ásahuvvui kulturguovddážin jagis 2003.
Sámedikki plána- ja finánsalávdegoddi gieđahallá dán vahkos Sámedikki reviderejuvvon bušeahta 2009.
Lasiha ruhtadoarjaga Bihtánsámi vissui (NSR ođasvuorká)
Ođasmahttimin Bihtánsámi viesu (Árran julevsámi guovdásj)
Denne teksten på norsk
Kommenter denne artikkelen
Tips en venn Gå tilbake