Sámediggi lea juolludan 2 630 000 ru15 sierralágan dearvvašvuođa- ja sosiálaprošeavttaide. Sihke mátta-, julev- ja davvisámi guovlluin leat ožžon doarjaga dearvvašvuođa- ja sosiálaprošeavttaide.
Deaivvadeamit boarrásiidda
Daid gaskkas lea Árran julevsáme guovdasj ožžon badjel 300 000 ruvnnu álggahit dearvvašvuođadeaivvadeami sámi boarrásiidda julevsámi guovllus, ja Várdobáiki lea ožžon doarjaga gelbbolašvuođa bajidandoaibmabijuide dearvvašvuođa- ja sosiálafága bargiide guovllus.
Gárrenmirkkoprošeakta Porsáŋggus
Dasto lea gárrenávdnasiid boasttugeavaheddjiid beroštupmiorganisašuvdna Porsáŋggus ožžon doarjaga ovdaprošektii man oktavuođas geavaheaddjit, veahkkeapparáhta ja fágaolbmot ovttas barget doaibmabijuid hárrái maid bokte veahkehit gárrenávdnasiid boasttugeavaheddjiid eret gárrenávnnasgeavaheamis.
Doarjjastivrra jođiheaddji Ann Mari Thomassen (NSR) deattuha ahte prošeaktaruđat maid Sámediggi juohká dearvvašvuođa- ja sosiála oktavuođas lea deaŧalaš oassi dearvvašvuođa- ja sosiálabálvalusaid buorebut láhčimis sámi geavaheddjiide.
Máttasápmái ressursaguovddáš
- Danne leat mii hui duhtavaččat go sáhttit addit doarjaga nu ollu buriide prošeavttaide. Mii diehtit earret eará ahte sámi pasieanttat máttasámi guovlluin vásihit dan ahte sin sámi duogáš ii vuhtii váldojuvvo oktavuođas dearvvašvuođa- ja sosiáladoaimmahagain. Danne illudahttá go sáhttit addit doarjaga bissovaš resursaguovddáža plánemii dearvvašvuođa- ja sosiálaáššiid várás máttasámi guovllus"dadjá Thomassen (NSR).
Denne artikkelen på norsk.
Kommenter denne artikkelen
Tips en venn Gå tilbake