Sámedikki doarjjastivra lea juolludan oktiibuot 11 879 000 ru oahpponeavvuide Sámedikki 2009 bušeahta vuoruhemiid vuodul. Oktiibuot 8 955 000 ru juolluduvvui vuoddooahpu dábálaš oahpponeavvuide, 1 743 000 ru erenoamážit heivehuvvon oahpponeavvuide ja 1 181 000 ru mánáidgárdde oahpponeavvuide.
 
Dás namuhit cuovvovaš lágádusaid mat ožžo doarjaga:

CálliidLágádus oaccui doarjaga gitta 1 262 000 ru rádjái ovddidit ja buvttadit 3 fáddágihppaga ja oahpaheaddjibagádusa davvisámegillii OEE fágii 5.-7. luohkkái.

Davvi Girji oaccui juolluduvvot gitta 661 000 ru rádjái 2 fáddágihppagii ja 3 bargogirjái luonddufágas julevsámegillii vuosttaš- ja nubbingiellan 1.-4. luohkkái.

ABC-company, E-skuvla oaccui gitta 846 000 ru rádjái ovddidit ja buvttadit  digitála oahpponeavvu Nigá njoammil mánáidgárddiide.

Solum lágádus oaccui gitta 1 928 000 ru rádjái ovddidit ja buvttadit lullisámegiel oahpponeavvuid 3. - 4. ceahkkái lullisámegielas vuosttášgiellán ja 974 000 ru lullisámegiel oahpponeavvuide 1. - 2. dássái lullisámegielas nubbingiellan.

Statped Nord Álttás lea ožžon gitta 268 00 ru rádjai doarjjan ovddidit ja buvttadit máinnasgihppagiid Gollevuokta (Gullhår) ja  Gihcci gii máhtii lohkat (Geitekillingen som kunne telle). Girjjit leat davvisámegillii ja das galget leat mearkkat veahkkin guluhemiide, muhto leat maid resursan eastadeamis lohkan-/cállinváttuid ja resursan loguid oahppamis.

Juolludemiiguin buori álggus

Máhttu ja gelbbolašvuohta lea vuoddun sámi servodagaid ovddideapmái ja nannemii. Árjjalaš váikkuhangaskaoapmegeavahemiin galgá oahpahus mánáidgárddiin ja skuvllain láhcit vuodu máhtto- ja gelbbolašvuodahuksemii sámi servodagain. Daiguin juolludemiiguin lea Sámediggi buori álggus oažžut oahpponeavvuid mat leat heivehuvvon Máhttoloktema sámi oahppoplánaid gelbbolašmihttomeriide, dadjá Sámedikki doarjjastivrra jodiheaddji Ann-Mari Thomassen (NSR).

Sámedikki doarjjastivrras lei coahkkin 31.03. - 02.04.09 Evenáššis

(Gáldu: Sámedikki preassadiedáhus)

Loga maid: Ann-Mari Thomassen, 1. evttohas NSR listtus Viesttarmeara válgabiires

Denne teksten på norsk