Norgga Sámiid Riikkasearvvi (NSR) diehtá ahte boraspiret leat lassánan má?ga boazuguohtunguovllus. Soames sajiin leat lassánan hirbmat ollu ma?emus áiggiid, nu go Davvi-Nordlánddas ja Davvi-Trøndelágas. Boazobargit leat muitalan NSRii ahte leat šaddan nu ollu boraspiret ahte cuohcá beaivválaš bargodillái. NSR ávžžuha eiseválddiid oktiiheivehit boazodoallopolitihka ja boraspirepolitihka.

Duhát ealli meahcis

Stuorradiggediedáhus nr. 15 (2003-2004) mearrida man ollu eallit galget leat mehciin, ja dat leat beassan šaddat menddo ollu, nu ahte boazodoallis ii leat šat birgejupmi. Bohccot ja boraspiret ellet seammá báikkiin. Ja geatki han goddá aivve bohccuid. NSR mielas ferte ásahit odda boraspirepolitihka, ja mearridit buori heivvolaš  boraspirepolitihka min guohtuneatnamiidda. NSR mielas galggašii dál juo hábmegoahtit odda boaraspirepolitihka.

Eai luohte eiseválddiide

NSR cuiggoda váttisin hálddašit boraspiriid go leat ná sakka laskan. Ealáhus ja eiseválddit eai luohte nubbi nubbái, ja eiseválddit eai mávsse daid vahágiid mai ealáhus diediha. Muhtun guovlluin ožžot buhtadusa, ja muhtun guovlluin eai oacco, iige nu galggašii leat. Ráppi galgá dokumenteret, muhto dat lea oalle veadjemeahttun go boazu johtá hui viidát, ja dakkár báikkiin gos ii oba gávnnage ráppi.

Boazobargi máhttu ii adno maninge

Eiseválddit orrut leamen oalle heajos vuogi mielde mearrideamen galle ealli galget leat meahcis, eaige beroš gullat go boazodoallit muitalit galle ealli leat ja movt dat civget. NSR cielga oaidnu lea ahte eiseválddit galget gullat maid boazodoallit máhttet ja dihtet boraspiriid birra go rehkenastet man galle ealli ožžot leat meahcis. NSR mielas galggašii buorebut cuovvut mielde galle ealli leat ja movt dat civget. Nu lea Stuorradiggi maid oaivvildan go mearridedje Stuorradiggediedáhusa nr 15 (2003-2004), go eiseválddit han maid háliidit oahppat eambbo boraspirenáli birra ja buoremus lági mielde hálddašit daid.

Johtilit beassat goddit
 
Boazodoallit livcce buorebut sáhttán dohkkehit soames bohccoráppi, jos eiseválddit johtilit ja albma ládje suovašedje goddit eret boraspiriid dakkavide go duodaštuvvo ahte doppe lea boraspire mii lea goddán ollu bohccuid. Sihke SNO ja boazodolliide galggašii šaddat álkit oažžut lobi goddit eret soames boraspire go lea dárbu.

Gulahallan livccii buorre

NSR mielas galggašedje boazoealáhus ja eiseválddit gulahallat ja luohttit nubbi nubbái. Boraspirehálddašeddjiid bargu lea hálddašit boraspiriid, nu movt stáhta lea mearridan. Muhto, jos bealit eai gulahala, de šaddá váttis hálddašit boraspiriid, ja billista ealáhusa ovdii. Boazoealáhus lea eamiálbmotealáhus mii suodjaluvvo riikkaidgaskasaš konvenšuvnnain. Eiseválddit leat maid mearridan ahte boazodoallu galgá ceavzit ekonomalaccat, kultuvrralaccat ja ekologalaccat. Go juo gearddi boraspirepolitihkka cuohcá boazodoalu birgenvejolašvuodaide, de ferte hábmet buoret boraspirepolitihka.

Konsulteret ja gávnnadit

NSR cujuha Ráddehusa ja Sámedikki konsultašuvnnaide ja árvala ahte eiseválddit ságastallet boraspirepolitihka birra sihke Sámedikkiin, Norgga Boazosápmelaccaid Riikkaservviin (NBR) ja eará sámi beroštumiin.

Loga maid: Sámediggeáirras jearai Sámedikkis boraspiriid birra.

Loga maid: Dát ášši NRK Sámi Radio siidduin.

Digaštallan: Dát ášši digaštallo Dagbladet siidduin.

Denne teksten på norsk.