- Mii leat movttet go ráddehus vuoruha sámi árbedieduid dokumenterema. Dát dávista bures NSR vuoruhemiide Sámedikkis. Mii maid rámidat sin go bidjet návccaid ráhkadit ehtalaš standárddaid ekonomalaš doaimmaide davvin, nu mo mii leat guhkit áigge ohcalan. Dát šaddá erenoamáš dehálaš go ráddehus muduid deattuha luondduriggodagaid ávkkástallama iežaset strategiijas, deattuha NSRa presideantaevttohas Aili Keskitalo.
Muhto dokumeanttas leat maid oasit masa NSR ii leat nu mielas;
- Ráddehus geassá ovdan eamiálbmogiid vejolašvuoda oasálastit mearridanproseassain. Dat lea iešalddis buorre, muhto šaddá paradoksan go seammás muitalit ahte sii leat plánen lasihit mineráladoaimmaid davvin. Dán áššis lea ráddehusas ja Sámedikkis áibbas goabbat lágan oaidnu. Mun muittuhan ahte lea ain guhkes geaidnu ovdal go lea vejolaš boahtit ovttaoaivilvuhtii odda minerálalága ektui, dadjá Keskitalo.
Kommenter denne artikkelen
Tips en venn Gå tilbake