Hárjánan guolásteaddji Asbjørn Andersen Smiervuonas eret vástida guolástan áššiin Porsá?ggu Sámiid Searvvis (NSR).

Dáhttu ekonomalaš dáhkádusaid

Finánsaroassu cuohcá mearrasámiide go guollerusttegat eai šat oastte guliid. Danin soitet ollugat bággehállot eret ealáhusas. Porsá?ggu Sámiid Searvi gáibida ahte Ráddehus veahkeha Sámedikki addit ekonomalaš dáhkádusaid ja eará dárbbašlaš doaibmabijuid nu ahte guollerusttegat vuonain sáhttet vuostáiváldit guliid.

Mearrasámi guolásteaddjit leamašan váttes dilis má?galot jagiid, ja dál sáhttet oalát jávkat ealáhussan.

Finánsaroassu cuohcá garrasit

Finánsaroassu lea dušše okta olu roasuin mat leat garrasit cuohcan mearrasámi bivdiide. Váldosivva lea go leamašan heajos resursahálddašeapmi guhkit áigge badjel, eai ge leat váldán vuhtii mearrasámiid rávvagiid ja oaiviliid. Eai politihkkárat eai ge dutkit. Njuorjomárran 80-loguin ii boahtán iešalddis, muhto danin go Barentsábis ledje menddo olu bivdán njurjuid biebmoguliid. Danin bohte njurjot valvin Finnmárkku vuonaide borramušozus. Dát olu njuorjjut borre buot guliid vuonain, maiddái stáinnira, mii fas mielddisbuvttii ahte otne leat issorasat laskan gáranasruittut. Dat ges leat borran visot debbuid, ja nu lea váttis ožžodit fas guliid vuonaide.

Bilidit min eallinláibbi

Porsá?ggu Sámiid Searvi bivdá politihkkáriid ja dutkiid boahtteáiggis eanet guldalit rávvagiid ja moaitagiid báikkálaš guolásteddjiin go galget hálddašit rittu riggodagaid. Ii sáhte šat leat nu ahte ekonomalaš beroštumit gievrras márkanfámuin stivrejit hálddašeami ja bilidit eallinláibbi báikkálaš guolásteddjiin.

Eai gierdda šat roasuid

Buolvvaid cada leat mearrasámit bures hálddašan riggodagaid maid dál stuorrafámut dulbmot ja bilidit. Mearrasámi kultuvra ii gierdda šat eambbo roasuid. Porsá?ggu Sámiid Searvi doarju mearrasámi bivdiid ja mearrasámi kultuvrra, ja dát lea deháleamos ášši searvái ovddasguvlui.

Gulahallandiedut:

Asbjørn Andersen, tlf. 90647532, dahje e-poasta: bergheimasbj@hotmail.com