NSR mielas lea sámi organisašuvnnain ja bellodagain dehálaš sadji sámepolitihkas.

Proseassas leat maid muhtin sámi bellodagat ilbman. Mu mielas lea buorre ahte sápmelaccat ieža organiserejit. Dat lea mu oainnu mielde dehálaš jus mii galgat juksat stuorát iešmearrideami. Danin mun imaštalan go Laila Susanne Vars cuoccuha ahte mun vuostálasttán Árjja ásaheami. Mun lean baicce álggu rájes cealkán ahte mu mielas lea buorre go sápmelaccat válljejit organiseret iežaset, eai ge álkivuoda dihtii searvva gárvves láhccojuvvon dácca bellodatsystemaide. Mii dárbbašat Sámedikki mii lea juoga eanet ja juoga eará go unna fylkkadikkáš dahje stuorra suohkanstivra. Jus dácca bellodagat livcce bargan doarvái sámi servodaga ovddas, de ii várra livcce giige fuomášan ásahit ge Sámedikki.

Galgat bargat mánáid ja vuorrasiid ektui

Laila Susanne Vars lea maid viggan eará sániid coggat mu njálbmái, nammalassii ahte Sámediggi mahkáš ii galgga bargat mánáid ja vuorrasit olbmuid guoskevaš áššiiguin. Das ferte gii nu leat boastut ádden. Mun lean cujuhan dasa ahte dáid áššiid vuosttažettiin mearridit ieš gudet suohkanstivrrain, ja nu Sámedikkis lea dušše eahpenjuolga váikkuhanvejolašvuohta. NSR leamašan njunnošis geavaheamen dán váikkuhanvejolašvuoda. Dán áigodagas leat mii garrasit bargan dan ala ahte calmmustahttit sámi mánáid ja vuorrasiid deaivvadeami almmolaš ásahusaiguin. Earret eará leat mii lokten áššiid mat gusket vuorrasit olbmuid dikšumii, mánáidsuodjalussii, dulkonbálvalusaide ja giliskuvllaide. Dáid áššiin ii leat Sámedikkis njuolga váikkuhan- dahje hálddašanváldi, muhto leat goit ge dehálaš áššit Sámediggái danin go dát leat dehálaš áššit sápmelaccaide.

Eat leamaš doarvái cielgasat

NSR oaivvilda ahte Sámediggi ferte bargat buoridit sápmelaccaid cálgofálaldagaid. Muhto sivas go earáin lea mearridanváldi dáid áššiin, de mii fertet sin bokte viggat váikkuhit. Mii sámepolitihkkárat, maiddái NSR, eat leamašan doarvái cielgasat dán ektui válggagiccuid oktavuodas. Mis leat stuorra višuvnnat ja áigumušat sámi servodaga ektui. Muhtimin mii lohpidat jienasteddjiide eanet go dan maid mii sáhttit doallat njealji jagi válgaáigodagas, danin go Sámedikkis ii leat loahpalaš mearridanváldi olu áššiin mat leat dehálaccat sápmelaccaide. Ja hui olu áššiin leat eanaš bellodagat ja organisašuvnnat ovttaoaivilis, nu mo sámi mánáid ja vuorrasiid cálgofálaldagaid ektui. Min hástalus lea ahte suohkanstivrrat leat unnimusat seamma dehálaš arena jus dáid áššiide áigu váikkuhit. Danin lean ilus go má?gga sajiin gávdnojit sámi molssaeavttut maiddái suohkanválggain.

Vejolaš ovttasbargoguoimmit

Sámedikki váikkuhanvejolašvuohta lea rievdamin, ja Sámediggi boahtteáigi lea min sápmelaccaid hálddus. Danin lea buorre go lea nu stuorra beroštupmi sámediggeválggaide. Persuvnnalaccat diedusge sávašin ahte buohkat dorjjošedje NSR politihka. Goitge sávan lihku sidjiide geat válljejit ásahit sámi bellodagaid ja organisašuvnnaid, danin go diedán man olu dat áiggi cada gáibida sihke olmmošlaš ja ekonomalaš resurssaid. Mii leat unna álbmot geat ássat bidgosit. Muhto oaivvildan ahte lea eanet mii catná min oktii go dan mii sirre min. Dat leamašan NSR vuoddojurdda 40 jagi cada, ja oaivvildan dat lea maid otná sámepolitihkas duohtavuohta – mii leat eanet ovttaoaivilis go guovtteoaivilis. Danin eai leat odda sámepolitihkalaš oasálastit dušše gilvaleaddjit – sii leat maid vejolaš ovttasbargoguoimmit.