- Mun lean hui duhtavaš go beasan leat mielde doarjumin ásahit sámi nuoraidorganisašuvnna riikkarájiid rastá. Mun dieđán ahte nuorat leat plánemin dákkár organisašuvnna, ja mun doaivvun dát ruđat leat veahkkin ollašuhttimin plánaid, cealká sámediggeáirras Miriam Paulsen (NSR).
Riikkarájit eai leat hehttehussan
NSR mielas lea buorre go nuorat ieža leat deattuhan ahte ođđa nuoraidorganisašuvdna galgá leat riikkarájiid rastá. Dat mearkkaša ahte galgá fátmmastit sámi nuoraid sihke Norggas, Ruoššas, Ruoŧas ja Suomas. – Dát čájeha ahte sámi nuoraide eai leat riikkarájit hehttehussan ovttasbargui, dadjá Paulsen.
Nuoraidáššit berrejit eanet beaggit
Otne ii gávdno norgga bealde sámi nuoraidorganisašuvdna, maŋŋá go Davvi Nuorra heaittihuvvui jagis 2007. Norgga Sámiid Riikkasearvvi mielas lea dehálaš ahte maiddái sámi nuorat organiserejit iežaset, ja sávvet ahte nuoraidorganisašuvdna dagašii ahte nuoraidáššit eanet begget.
Kommenter denne artikkelen
Tips en venn Gå tilbake