- Álttá-Guovdageain-ášši lei historjjálaš ášši sihke sámi ja dáčča servodagas. Ášši dagahii ahte sámi vuoigatvuođaášši ovdánii ja Sámediggi ásahuvvui, cealká NSR jođiheaddji ja presideantaevttohas Aili Keskitalo. Doaivvun leat stuorra beroštupmi servodagas duođaštit dáid historjjálaš dáhpáhusaid ja daid proseassaid mat das vulge.
Planat dulvadit Máze
Riidu Álttá-Guovdageain` joga dulvadeamis álggii juo 1970-logus, go buođđudanplánat vuohččan almmuhuvvojedje. Plánat guske guovddáš sámi guovlluide, ja lei earret eará plánejuvvon dulvadit Máze giláža gos ásse badjel 200 olbmot.
Guovddáža hukset Mázii
- Lea lunddolaš hukset duođaštanguovddáža Mázii, go ášši ja politihkalaš mobiliseren vulggii doppe, oaivvilda Keskitalo. – Mii fertet muitit ahte Máze-servodat fertii máŋggaid jagiid eallit dulvadanáitagiiguin. Dát buvttii heajos váikkuhusaid gili ovdáneapmái ja moktii.
NSR čuovvola ášši bušeahtas
Jurdda ásahit duođaštanguovddáža vuolgá NSR riikkačoahkkimis Guovdageainnus loahpageahčen golggotmánu. NSR sámediggejoavku áigu čuovvulit ášši Sámedikkis, e.e. bušeahttagieđahallama bokte. Guovddáš sáhtašii čohkket, váldit vára, gaskkustit ja ovddidit dieđuid Álttá-Guovdageain-áššis.
Kommenter denne artikkelen
Tips en venn Gå tilbake