– Lea buorre go mii dál beassat obbalaččat veardidit doaibmá go doarjjastivra nu mo mii háliidat, cealká sámediggeáirras Lene Hansen (NSR).
Buoridit diehtojuokkima
NSR oaivvilda ahte Sámediggi ferte buoridit diehtojuohkima doarjjastivrra birra, ja fertejit bures gulahallat suohkaniiguin. Sámedikki ruovttusiidduin fertejit álo gávdnot dieđut doarjjaortnegiid birra ja dan birra mo ohcamušat meannuduvvojit. Erenoamážit ferte dán dahkat duodjeortnegiid hárrái vai ohcamušat bohtet viiddis geográfalaš guovllus.
Eai hálit ohcat "sámeruđaid"
- Mii leat fuobmán ahte vaikko Sámi Ovdánahttinfoandda doaibmaguovlu lea viidánan, de eai leat ohccit dáid guovlluin lassánan. Dat čájeha ahte lea ain stuorra diehtojuohkindárbu báikegottiin. Dasa lassin lea várra nu ahte oallugiidda lea stuorra lávki ohcat nu gohčoduvvon ”sámeruđaid”. Dát áššit fertejit láddat, ja dat ádjána, muittuha Lene Hansen.
- Mii maid diehttit ahte muhttin ohccit vásihit ahte áššemeannudeapmi lea menddo guhkki ja moalkái. Dán maid ferte njulget, joatká Hansen.
Rámida rabasvuođa
Doarjjastivra lea lágidan máŋgga rabas diehtojuohkkinčoahkkimiid. Dáid čoahkkimiidda lávejit ollu olbmot boahttit. NSR mielas lea dát hui buorre vuohki gulahallat olbmuiguin. Dasa lassin leat doarjjastivrras jámma čoahkkimat eará ruhtagálduiguin ja doarjjaohcciiguin. NSR rámida dan ja ávžžuhit joatkit nu.
Kommenter denne artikkelen
Tips en venn Gå tilbake