RSS-feed

Velg språk!

Utskriftsvennlig versjon Dárbbašit sámi gelbbolašvuođa dásseárvvus
Sámediggeáirras John Harald Skum (NSR) dáhttu nannet gelbbolašvuođa sámi servodagas dásseárvvu ja vealaheami ektui.
Norgga Sámiid Riikkasearvi (NSR) oaivvilda dehálažžan sámi servodagas nannet gelbbolašvuođa dásseárvvu ja vealaheami ektui. Danin NSR evttoha ahte Gáldu oažžu dán ovddasvástádusa, ja ahte ásahuvvo sierra virgi mii galgá dáid bargguid doaimmahit.

Almmuhuvvon: 11.11.2008

- Mii oaivvildat leat dehálažžan ahte ovddasvástádus dásseárvvu- ja vealahanáššiin biddju sámi ásahussii, ja de lea Gáldu lunddolaš ásahus. Sámediggeráđđi lea iežas dásseárvodoaibmaplánas dušše vuoruhan nannet gelbbolašvuođa dáčča našunála orgánain, dego ovdamearkka dihte Dásseárvu- ja vealahanáittardeaddjis. Dat han gal lea diehttelasat dehálaš, muhto NSR oaivvilda seammás fertet hukset gelbbolašvuođa sámi servodagas, cealká sámediggeáirras John Harald Skum (NSR).

Gáldui heive dát ovddasvástádus

Gáldu galggašii de doaimmahit diehtojuohkima ja dokumentašuvnna dásseárvvu- ja vealahanáššiin sámi servodagas, ja maiddái eará álgoálbmotservodagain. Dán láhkai lassánivčče gelbbolašvuohta dáid áššiin, lassin dasa maid sámi dásseárvoorganisašuvnnat juo odne dahket.

Sámedikki bajásšaddan- ja oahpahuslávdegoddi gieđahallá dán vahkos Sámedikki dásseárvodoaibmaplána 2009-2013. NSR áigu dan oktavuođas evttohit ahte Gáldu oažžu ovddasvástádusa nannet dieđuid dásseárvvu ja vealaheami birra sámi servodagas.

Gáldu – Álgoálbmotvuoigatvuođaid gelbbolašvuođaguovddáš ásahuvvui jagis 2002, ja sis lea mihttun lasihit dieđuid ja áddejumi álgoálbmogiid vuoigatvuođaid ja sámiid vuoigatvuođaid hárrái.

Samedikki ruhta dáseárvodoaimmaide (Sámedikki neahttasiidu)

Kirsti Guvsám homifiliijakampánjja

Dát teaksta dárogillii





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S