Julggaštusas deattuhuvvo gal ahte eai eisege áiggu hehttet earáid oasálastit ja geavahit sámi kultuvrra. Sápmelaččat leat čeavlái iežaset kultuvrrain, ja juogadit áinnas dan earáin jus dat lea sápmelaččaid eavttuid vuođul. Sii leat erenoamážit vuorjašuvvan go mátkeealáhus orru ráhkadeamen dakkár gova sápmelaččain ja sámi kultuvrras mii ii soaba duohtavuođain.
Guoská olles sámi álbmogii
Julggaštusas deattuhuvvo ahte mearrádusat mat gusket oktasaš sámi kulturárbái, guoská olles sámi álbmogii. Nu ii sáhte ge oktonas našunála sámi ásahus dahkat mearrádusaid dan ektui. Dát soittii ge leat dearvvuohta suoma Sámediggái gii ovdalis lea ”buressivdnidan” sámi kultuvrra boasttogeavaheami suoma mátkeealáhusas.
Boazodoallu dušše sápmelaččaide
Muhto Roavvenjárgga julggaštus guoskkaha maiddái eará fáttáid. Earret eará dat nanne ahte boazodoallu lea ealáhus mii gullá dušše fal sápmelaččaide, ja gáibida ahte Suomas ja Ruoššas rievdaduvvo láhka dán ektui. Nu go diehttit de besset dáid riikkain maiddái earát go sápmelaččat boazodoaluin bargat.
Julggaštusas maid dorjot sierra Sámedikki ásaheami Ruošša bealde Sámis.
Sámekonfereansa lea Sámeráđi bajimuš orgána, mii lágiduvvo juohke njealját jagi. Sámeráđđi lea ovttasbargoorganisašuvdna sámi váldoorganisašuvnnaide Norggas, Ruoŧas, Ruoššas ja Suomas. Norgga Sámiid Riikkasearvi (NSR) lea miellahttuorganisašuvdna Sámeráđis.
Loga olles julggaštusa dás (dušše eŋgelasgillii).
Kommenter denne artikkelen
Tips en venn Gå tilbake