- Måskke skåvllå lea erenoamáš dehálaš ohppiide, oahpaheddjiide ja váhnemiidda Måskke skåvllås. Dasa lassin lea skåvllå bisuheapmi hui dehálaš Måskke gili boahtteáigái. Danin bivddán Sámedikki veahkehit skuvlla. Dán barggu ferte vuoruhit, cealká Paulsen.
Erenoamáš juolludeami stádabušeahtas
Sámediggi lea ovdalaččas bivdán Stuorradikki ahte giliskuvllat gos lea oahpahus sámegielas dahje sámegillii galget oažžut erenoamáš juolludemiid stádabušeahta badjel. Duogáš dasa lea go olu giliskuvllat jámma áitojuvvojit heaittihuvvot heajos suohkanekonomiija geažil.
Dehálaččat sámi báikegottiide
Norgga Sámiid Riikkasearvi (NSR) ii sáhte lupmoalasgieđaiguin geahččát ahte billistit giliskuvlafálaldaga, go mii diehttit man dehálaččat dat leat smávva sámi báikegottiide. Giđđat loktii ge parlamentáralaš jođiheaddji Aili Keskitalo (NSR) dán ášši Sámedikkis, ja sámediggeáirras Miriam Paulsen vuordá dál ahte sámediggeráđđi vuoruha ášši.
Kommenter denne artikkelen
Tips en venn Gå tilbake