Skábmamánu 30. beaivvi 1968 čoahkkanedje iešguđet sámeservviid delegáhtat ásahit Norgga Sámiid Riikkasearvvi (NSR) Guovdageainnus (Stáhta ruovttufidnoskuvllas). Čoahkkimii ledje boahtán Guovdageainnu, Deanu, Porsáŋggu ja Kárášjoga sámeservviid delegáhtat. Guoktenuppelohkái sámi servodatberošteaddji ja pionera čálle vuollái beavdegirjji mii lea NSR neahttasiiddus lohkanláhkái.

Klemetsen vuosttaš jođiheaddji

Siebe Johan Máhtte válljejuvvui vuosttaš jođiheaddjin, ja nubbejođiheaddji šattai Hans J. Nergård. Ruhtadoalli lei Lemet Lemet Edel ja stivralahtut leigga Peder Andersen ja Bikk-Áillu Ásllat Niillas. Rehketdoalu dárkkisteaddjin válljejuvvuiga Máhte Dánela Odd Máhtte ja Kristian Nymo.  Seammá jagi go NSR ásahuvvui, de ceggejedje maid Romssa gávpotsámit ja Bergen gávpotsámit iežaset sámiid servviid ja serve organisašuvdnii. De ledje juo čieža searvvi NSRs.

Veteránat bohtet 2008

Soapmásat dain geat ledje mielde ásaheamen organisašuvnna leat mielde dán jagáš riikkačoahkkimis. NSR lea hui giitevaš go sii leat fárus ja NSR beassá sihke giitalit ja gudnejahttit ásaheddjiid.

Vuosttaš jahkedieđáhus

Konstituerendokumeanta

Riikkačoahkkindokumeanttat 

Denne artikkelen på norsk