- Dan ahte Ráđđehus ii juollut ruđaid sámi dáiddamuseai Kárášjogas, lea dat eaŋkilášši stádabušeahtas mainna mii leat eanemusat behtohallan. Odne vurkejit divrasis sámi dáidaga heajos lanjain, ja mii bállat ahte oasit das sáhttet billašuvvat. Danin lea hoahpu ásahit sámi dáiddamusea, cealká Sámedikki opposišuvdnajođiheaddji Aili Keskitalo (NSR).
Stuorra árvu
Sámi dáidagis lea stuorra árvu ja dan ferte albmáláhkii vurkkodit nu ahte maiddái min maŋisboahttit besset dan návddašit, ja ferte maid láhččit nu ahte almmolašvuohta beassá dan oaidnit. Áidna vuohki mo dan olaha lea ásahit institušuvnna mii sáhttá áimmahuššat dáidaga.
Ministtar ii šat muitte iežas ovddeš oaiviliid?
Stuorradikki eanetlohku lea juo álggogeahčen dán stuorradiggeáigodaga bivdán ráđđehusa dán áigodagas ásahit dáiddamusea. Dálá sámeministtar, Dag Terje Andersen (Bb), jođihii dalle Gieldda- ja hálddašanlávdegotti mii buvttii dán ávžžuhusa.
– Mii leat ovdal ge vásihan ahte Sámedikki ákkastallama eai álo váldde bealljái. Muhto lea hirpmástuhtti go Ráđđehus ii guldal iežas stuorradiggejoavkku, ja go sámeministtar ii šat muitte maid son oaivvildii dalle go lei stuorradiggeáirras, beaškala Keskitalo.
Sámediggi lea juolludan ruđaid
Maŋemuš 12 jagiid leat aktiivvalaččat ráhčan dan ala ahte ásahit sámi našunála dáiddamusea. Váikke vel sihke dáiddárorganisašuvnnat ja Sámediggi leat bidjan olu návccaid dasa, de eai leat plánat vel ollašuvvan. Sámediggi lea maŋimuš jagi juolludan 800.000,- ruvnnu ovdabargui, dainna doaivagiin ahte ášši galggai jođáneappot čoavdašuvvat.
Kommenter denne artikkelen
Tips en venn Gå tilbake
Kommentarer:
De fal! av Hánsa 09.10.2008 15:03
De fal bearráigeahččat ahte Sámi Dáiddamusea beassá bargat dan barggu maid galgá bargat ja hukset dohkálaš viesu! Ja muitit maid Beaivváš Sámi Teáhterii ordnet ođđa viesu.