- Jus StatoilHydro ieš ii bisset dán vealaheami Alaska eamiálbmogis, de ferte oljo- ja energiijaministtar Terje Riis-Johansen bidjat rájiid. Norga ii sáhte dohkkehit dákkár guoktilašvuođa, cealká sámediggeáirras Tor Mikalsen (NSR).
Guoktiluššan váttisvuohtan
Oljofitnodagaid guoktiluššan lea stuorra váttisvuohtan eamiálbmogiidda. Fitnodagat heivehit iežaset guottuid dan mielde makkár riikkas sii barget. Fitnodagain leat ovdamearkka dihtii oalle garra njuolggadusat iežaset doibmii Barentsábis. Muhto go seamma fitnodagat bohket oljju eará máilmmiosiin, de fáhkkestaga nidjet gáibádusat.
Manin galggašii unnit váldit vuhtii eamiálbmogiid ja luonddu Alaskas go Jiekŋamearas?
Ii soaba álbmotrivttiin
Tsjuktsjermearra Alaska olggobealde lea hui rašši ja seammás olu eamiálbmogat guovllus vižžet iežaset eallinláibbi doppe. Tsjuktsjermearas lea eanaš áigge jiekŋa, nu ahte jus oljjuin nuoskkida doppe, de dat sáhttá biktit stuorra vahágiid.
Mikalsen oaivvilda StatoilHydro oljodoaibma guovllus ii soaba álbmotrivttiin.
- Rássan Alaska eamiálbmogiid eallinláibbiin lea čielga rihkkun riikkaidgaskasaš konvenšuvnnain eamiálbmogiid vuoigatvuođaid ektui. Dađi bahát čájehuvvo ahte go lea sáhka olu ruđas, nu mo dán ovdamearkkas, de oljofitnodagat eai beroš eamiálbmogiin ja luonddus, cealká sámediggeáirras Tor Mikalsen.
Sámediggi ferte bargat áššiin
Fitnodagaid doaimmat eamiálbmotguovlluin maid Norgga stáhta eaiggáda lea eamiálbmotpolitihkka, ja lea ge danin áigeguovdilis ášši Sámediggái. NSR áigu dáhttut sámediggepresideantta loktet ášši StatoilHydroin ja departemeanttain.
Kommenter denne artikkelen
Tips en venn Gå tilbake