- Dát mielddisbuktá ahte sámi mediafálaldagaid máŋggabealatvuohta buorrána ja dagaha maid ahte dáčča álbmot buorebut oahpásmuvvet sámi áššiide. Dát lea buorre álgu, ja mun diehttelasat sávan ahte dađis lasihit ja stuoridit sámi fálaldaga. Dát guoská sihke sámegielat sáddagiidda ja dárogielat sáddagiidda sámi áššiid birra. Dáinna ođđa vuoruhemiin sáhttá kánske Radio Norge doaibmat ovdamearkan eará kanálaide, cealká sámediggeáirras Klemet Erland Hætta (NSR).
Radio Norge ođđa sámi prográmma namma lea Edda ja sáddejuvvo juohke vahkkobeaivve maŋŋá “Norgesnyhetene” nammasaš prográmma dii. 20.00. Radio Norge dieđuid mielde galgá dát prográmma gieđahallat sihke hirpmástuhtti áššiid mas ollu guldaleaddjit beroštit ja čiekŋalis analysat sámi áššiin.
Kommenter denne artikkelen
Tips en venn Gå tilbake