NSR gáibida ain ahte dieđáhus sáddejuvvo gulaskuddamii ásahusaide ovdal go Sámediggi dan gieđahallá, ja oaivvilda ahte dálá dieđáhus ii sáhte doaibmat eará go gulaskuddanvuođđun.
Summalgis áššegieđahallan
- NSR ii sáhte doarjut dákkár summalgis áššegieđahallama maid Bargiidbellodat lea plánen. Dát ášši lea menddo stuoris ja dehálaš. Sámedikki luohttámuš ja jáhkehahttivuohta lea áitojuvvon, cealká Sámedikki opposišuvdnajođiheaddji Aili Keskitalo (NSR).
NSR sámediggejoavku lea juo moaitán go sámi ásahusat ieža eai leat beassan buktit oaivileaset dieđáhusa hábmema oktavuođas.
BB eai leat beroštan dábálaš olbmuin
– Mu mielas mii leat surgadis dilis. Dál ledje Sámedikkis sáhttit leat máilmme buori digaštallamat das maid mii dáhttut sámi ásahusaiguin, jus beare sámediggeráđđi livčče dahkan albma vuođđobarggu ovdalgihtii. Dađi bahát ii leat Bargiidbellodat beroštat gulahallat dábálaš olbmuiguin, cuiggoda Keskitalo.
Kommenter denne artikkelen
Tips en venn Gå tilbake