- Sápmelaččat galget beassat sámegillii gulahallat giellaguovllu suohkaniiguin, ja giellaruhta galgá leat fárus addimin sámegielat fálaldaga, čilge Sámedikki opposišuvnnajođiheaddji Aili Keskitalo (NSR).
Suohkanat beahttán
- Mii leat beahtahallan go soames suohkanat leat sáhttet leat geavahan giellaruđaid eará doaimmaide, go sis lea heajos suohkanekonomiija. Dát sáhttá billistit olles giellaruhtaortnega, váruha Keskitalo.
Plánejuvvon árvvoštallama ferte čađahit
Sun čujuha dasa go Sámediggi jagi 2007 rájes lea gáibidan rehketdoalu suohkaniin go Sámediggi áigu bearráigeahččat ahte ruhta geavahuvvo giellafálaldagaide. Ja vai šaddá álkit árvvoštallat doaibmá go ortnet. NSR oaivvilda ahte várra galggašii doamihit árvvoštallama.
Leat luohttán suohkaniidda
Giellaruhta leamaš rámmaruhta ja Sámediggi lea luohttán suohkaniidda ja daidda geatnegasvuođaide mat suohkanis leat. Sámediggi lea luohttán dasa ahte suohkanat dihtet makkár fálaldagaid sin ássit dárbbašit. Suohkanat leat ieža háliidan searvat giellahálddašanguvlui.
Kommenter denne artikkelen
Tips en venn Gå tilbake