RSS-feed

Velg språk!

Utskriftsvennlig versjon Turisttat berrejit vásihit sámi kultuvrra!
Sámediggeáirras Tone Finnesen (NSR) návddaša geasi iežas barttas Divttasvuonas.
Sus gal livčče dárbu vuolgit ávdin sullui nu ahte beasašii leat eanet fárrolagaid iežas isidiin. Dán geasi soai goit vuoiŋŋasteaba iežaska barttas Kjæras. Geassit son maid áŋgiruššá das ahte turisttat geat galledit Sámi galggašedje vásihit ja oahpásmuvvat  sámi kultuvrii. Mii ságastalaimet sámediggeáirasiin Tone Finnesenin (NSR).

Almmuhuvvon: 07.07.2008

Mii lea du buoremus geassemuitu?

Vuoi, gal mus leat oba olu buorit geassemuittut – ja eanaš dain leat Divttasvuonas. In mun várra dárbbaš dan šat eambbo čiekŋudit …

Maid don áinnas borat ja jugat geassebáhkkan?

De gal boran grillaborramuša ja jugan čázi!

Maid čájehivččet turisttaide geat fitnet du ruovttubáikkis?

Dalle čájehivččen sidjiide Árran julevsámi guovddáža. Mu mielas oainnat lea dehálaš ahte turisttat besset oaidnit ja oahpásmuvvat julevsámi kultuvrii Divttasvuonas, ja dan sii besset Árranis. Árran han lea hui čáppa kulturvisti, ja doppe leat ollu čeahpes olbmot geat sáhttet muitalit min historjjá birra.


Mii lea du geasseparadiijás?

Kjær, Divttasvuonas! Doppe lea mis barta, ja lea máilmmi fiidnáseamos báiki – erenoamážit go buot min fuolkkit leat čoagganan dohko.


Gean válddášit fárrui ávdin sullui?

Iežan isida, go mun in oainne su nu dávjá. Go mun lean ruovttus, de lea son mátkkošteamen – ja nuppi láhkai.

Maid barggašit jus beasašit dearvvašvuođaministtarin ovtta beaivái?

De gal fertešin bajit prinsihpaiguin bargat. Nu mo ovdamearkka dihtii bidjat fuomášumi sámi buhcciid vuoigatvuođaide. Mun oaivvildan ahte sámi fálaldat ii galgga leat erenoamáš fálaldat, muhto goallostuvvot eará fálaldagaide. Mun ledjen maid geavahit vejolašvuođa hukset sámi gealboguovddážiid dearvvašvuođasuorggis, nu mo ovdamearkka dihtii sámi gealboguovddáš kronihkáriidda. Dainna áššiin han lea Sámiid Doaktáriid searvi dál bargamin. Dasa lassin lea dieđusge mu váibmoášši sámi dearvvašvuođaguovddáža ásaheapmi Divttasvuonas!

 

Gii ánssáša rámi?

Min joavkojođiheaddji Sámedikkis, Aili Keskitalo, gii nu johtilit máhcai politihkkii maŋŋá riegádahttima! Son čájeha maid son háliida NSR:in ja son čájeha ahte sus leat návccat! Son lea sámi nisu gii politihkke vaikke vel lea ge ožžon mánáid, ja nu son lea dehálaš ovdagovvan oallugiidda. Dan dihtii mun oaivvildan ahte son duođaid ánssáša rámi!

 

Geasselohkamuš?

Geassit mun logadan boares váhkobláđiid barttas – Hjemmet nammasaš bláđi ja dan sullasaččat. Earret dan in láve olus lohkat geassit. Vuorddes mis, mun han lean aiddo lohkagoahtán ovtta girjji man namma lea ”Kongepudler” – dat lea politihkalaš satiira Norgga politihka ja beakkániid birra.

 

Man haga it birge luomus?

Duođas in birge mobiltelefovnna hága.

 

Ja maid gal guođát ruoktot?

Buot earret telefovnna, maiddái dihtora. Dat mielddisbuktá ahte in loga e-poasttaid luomus.

 

Leat go mannamin makkárge festiválii dan geasi?

Dáiddán finadit Riddu Riđđus. Jus in olle dohko, de goit vuolggán Márkomeannui. Lean ovdal fitnan guktui dáid festiválain, ja mu mielas dat leat hirbmat buorit!





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S