- Eanetlogu árvalus mielddisbuktá ahte máttasámiid vuoigatvuođaid suddjen ii leat seamma nanus go árvalusat mat gusket guovlluide mat leat davvelis, cealká sámediggeáirras Jarle Jonassen (NSR). – Dasa lassin rahppu vejolašvuohta eananoamasteddjiide cegget gáibádusaid vuoigatvuođakommišuvdnii, vaikke vel ráját juo leat gesson. Dát sáhttá doalvut boazodoalu dikkiide mat bistet guhká.
Eahpegovttolaš!
Jarle Jonassen oaivvilda dán leat eahpegovttolažžan go diehttit ahte máttasámit dáidet leat dat oassi sámi álbmogis gii eanemusat dárbbaša riektesuodjalusa. Máttasámegiella lea áitojuvvon, máttasámit leat unnitlogus juohke sajis gos ásset, ja máttasámi boazodoallu ferte gierdat stuorra sisabahkkemiid guohtoneatnamiidda.
Sámediggi ferte gávdnat eará čovdosa
- Arvalus mielddisbuktá ahte šaddá áibbas unnán sámi váikkuhanvejolašvuohta guovlluid hálddašeamis, lasiha Jonassen. – Mun ávžžuhan Sámedikki gávdnat eará čovdosiid máttasámeguovlluide, ovdamearkka dihte čuovvolit unnitloguárvalusa ahte Hålogalánda-láhka berre gustot buot sámi guovlluin Romssas máttás.
Sámediggeáirras Jarle Jonassen (NSR) oasálastá odne vuoigatvuođasemináras Steinkjeras.
Kommenter denne artikkelen
Tips en venn Gå tilbake