Maiddái riikkarájirasttildeaddji bargguid rámmaeavttut buorránit. Nuortasápmelaččaide lea erenoamáš dehálaš ovttasbargat riikkarájiid rastá go sii han leat juhkkojuvvon golmma stáhtaid gaskii, Norga, Ruoŧa ja Suopma.
Váldit vuhtii nuortasápmelaččaid dárbbuid
Sámediggeáirras Várjjat válgabiires, Gunn-Britt Retter (NSR/SAB), illuda go ráđđehus dál juolluda lassi ruđa nuortasápmelaččaide. – Mun doaivvun sii dáinna lágiin addet signálaid ahte sii bissovaččat áigot nannet nuortasápmelaččaid dili, nu mo NSR ja Sámediggi guhkká leat dáhtton. Seammás lea dehálaš váldit vuhtii nuortasápmelaččaid iežaset dárbbuid, go sii han buoremusat dihtet mo dilli lea, cealká Retter.
Eará riikkat fertejit čuovvolit
Gunn-Britt Retter oaivvilda ahte maiddái suoma ja ruošša bealde berrejit čuovvolit juolludeami, nu ahte ovttasráđiid sáhttit buoridit ja sihkarastit nuortasápmelaččaid boahtteáiggi. Son ávžžuha dál Norgga beal Sámedikki loktet dán sierra áššin go Sámi Parlamentáralaš Ráđi stivra čoahkkana Anáris 24.-25.06.08.
Kommenter denne artikkelen
Tips en venn Gå tilbake