- Mii diehttit ahte sápmelaččat geat buhcet guhkálmas dávddain dávjá eai oaččo daid dieđuid maid galget, sivas go dearvvašvuođabargiin váilo gelbbolašvuohta sámi gielas ja kultuvrras. Dát guoská maid sin oahpaheapmái mo hálddašit dávdda. Dáinna diliin eat sáhte eallit. Danin mii doarjut Sámi Doaktáriid Searvvi árvalusa ásahit sierra našunála sámi gealboguovddáža kronihkáriidda, cealká Sámedikki opposišuvdnajođiheaddji Aili Keskitalo (NSR).
Doavttersearvái rápmi
NSR rámida Sámi Doaktáriid searvvi go sii leat álggahan dán barggu, ja ávžžuha dál Sámedikki ge searvat dasa. – Sámi Doaktáriid Searvi ánssáša rámi go sii leat eaktodáhtolaččat čađahan barggu. Olbmot geat buhcet guhkálmas dávddain leat hearkkes joavku, ja mun sávan mii dáinna lágiin sáhttit buoridit sin dili, dadjá Keskitalo.
Soahpá ráđđehusa sámepolitihkain
Našunála sámi gealboguovddáš gos olbmot geat buhcet guhkálmas dávddain sáhttet oahppat hálddašit dávdda, soahpá maid bures Ráđđehusa sámepolitihkalaš dieđáhusain, gos sámegiela ja sámegielat dieđuid nannen dearvvašvuođasuorggis deattuhuvvo.
Kommenter denne artikkelen
Tips en venn Gå tilbake