- Mii leimmet sávvan ahte son lokte sámepolitihka badjelii, cealká Sámedikki opposišuvnnajođiheaddji Aili Keskitalo (NSR). – Mii diehtit Bargiidbellodaga siskkobealde leamaš garra nákkut sámi vuoigatvuođaáššiin, ja danne Ráđđehus dáidá šaddan láivudit cealkámušaidis ja coggat daid ulluid sisa, joatká Keskitalo.
Sámeministtar ieš mieđihii ahte ii leat buktimin makkárge ođđa áššiid sámepolitihkas. Ráđđehus ii buvtte makkárge kontroversiealla riidoáššiid, nu go giellaáŋgiruššan ja čálgopolitihkka.
- Dákkár láivves cealkámušaid sáhttá vaikkevel Finnmárkku Bargiidbellodatge doarjut, ja dat iešalddis čájeha man láivves ášši Ráđđehus odne lea ovdanbuktán, joatká Aili Keskitalo.
---------------------------------------
Dáid áššiid mii váillahit:
Maid Ráđđehus oaivvilda dáid stuorra áššiin:
- Davviriikkalaš sámekonvenšuvdna
- Minerálaláhka
- Boazodoallodivadat
- Norgga-Ruoŧa boazoguohtunkonvenšuvdna
- Ii duohta bušeahttašiehtadallamat Sámedikki ja Ráđđehusa gaskkas
- Ii čuoččo mihkkege iešmearridandoahpaga birra
Kommenter denne artikkelen
Tips en venn Gå tilbake